Daniel 3:1 - Q'eqchi Bible

¹ Laj Nabukodonosor kixk'e chi yiib'aak jun li jalam u oor, wan b'eleelaju moqoj li xteram ut oxlaju k'utub' li xnimal ru, ut kixye naq chixaqab'aaq sa' xtaq'ahil Duur, sa' xteepal Babilonia.

Li Santil hu

¹ Li rey Nabucodonosor quixtakla xyi̱banquil riqꞌuin oro jun li nimla jalam u̱ch. Laje̱b xcaꞌcꞌa̱l metro rok ut oxib metro ru. Li jalam u̱ch aꞌan quixakaba̱c saꞌ li ru takꞌa re Dura xcue̱nt Babilonia.

Daniel 3:1 ပူးပေါင်းရင်းမြစ်များ

Habacuc 2:19

Ra chaalel sa' aab'een laa'at li nakatyehok: “Ajsi aawu”, chankat re jun tolol chi che'. “Waklin”, chankat re jun li pek ink'a' na'aatinak. Ma naru tab'i' taa'aatinaq? Us ta nujob'resinb'il chi oor ut plaat, maak'a' jun tz'uqukaq yu'am rik'in.

Jeremías 16:20

Ma naru naq li winq tixyiib' junaq xyos? Moko yoseb' ta li xb'aanuhomeb' a'an”, cha'qeb'.

Isaías 46:6

Wankeb' neke'isink naab'al li oor sa' li xjelooleb' ut neke'b'isok plaat sa' li peex; chirix chik a'an neke'xsik' junaq aj tenol ch'iich' re naq te'xyiib' junaq xyoseb' re xwiq'ib'ankil rib' chiru jo'wi' re xloq'oninkil.

Oseas 8:4

“Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Salmos 135:15

Li xyoseb' li poyanam a'an yal oor ut plaat, yal xb'aanuhomeb' li winq.

1 Reyes 12:28

Jo'kan naq laj Jerobohán kixpatz' xna'leb', kixyiib' wiib' xjalam u saaj wakax yiib'anb'ileb' rik'in oor, ut kixye reheb' li tenamit: “Tz'aqalaq li xik chi mayejak aran Jerusalén. A'an a'in laayos, at Israel, li ki'isink chaq aawe sa' li tenamit Ejiipt”.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.

Jeremías 10:9

Neke'xk'am chaq li tenb'il plaat aran Tarsis ut li oor re Ofir; laj tenol plaat ut laj pak'onel neke'yiib'ank re ut neke'xtiqib' rik'in kaq ut kaqmoqinkil t'ikr: chixjunil a'an yal xk'uub'ahom li xseeb'al li winq.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Éxodo 32:31

Naq laj Moisés kisutq'iik wan wi' li Qaawa', kixye re: “Eb' li tenamit a'in k'ajo' xnimal li maak xe'xb'aanu: xe'xyiib' jun xyoseb' rik'in oor.

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Daniel 3:30

Chirix chik a'an li awab'ej kixk'eheb' xwankil chi yo'oon reheb' li oxib' chi saaj al, sa' xb'een xteepalil Babilonia.

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

Daniel 3:14

kixpatz' reheb': “Ma yaal, a Sidrak, Misak ut Abdénago, naq ink'a' yookex chi k'anjelak chiru linyos ut ink'a' nekeloq'oni ru li jalam u xink'e chi yiib'aak?

Daniel 5:4

Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Daniel 2:49

Ut naq laj Daniel kixtz'aama chiru li awab'ej naq laj Sidrak, laj Misak ut laj Abdénago te'xjolomi li xteepalil Babilonia, a'an kik'eemank chiru. Ut laj Daniel kikanaak sa' rochoch li awab'ej.