Daniel 2:9 - Q'eqchi Bible

⁹ Wi ink'a' nekeye we linmatk' jo'wi' li xyaalal, juntaq'eet ajwi' li tojb'amaak teek'ul chejunilex, xb'aan naq xek'e eerib' sa' aatin re intik'ti'inkil ut inb'alaq'inkil re naq us tex'elq. Yehomaq b'i' we li matk' ut rik'in a'an tintaw ru naq teeye ajwi' we li xyaalal”.

Li Santil hu

⁹ Cui incꞌaꞌ te̱ye cue cꞌaꞌru lin matcꞌ, juntakꞌe̱t li te̱cꞌul che̱junilex. La̱ex ac xecꞌu̱b e̱rib chi ribil e̱rib nak texticꞌtiꞌik chicuu yal re roybeninquil nak ta̱numekꞌ li cutan. Yehomak biꞌ cue cꞌaꞌru xinmatqꞌue re nak tinnau nak naru te̱ye cue li cꞌaꞌru naxye, chan.

Daniel 2:9 ပူးပေါင်းရင်းမြစ်များ

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Isaías 41:23

Yehomaq resil li toxk'ulmanq moqon, re tqanaw naq laa'ex yosex. B'aanuhomaq junaq k'a'aq re ru, a' yaal ma chaab'il malaj ut ink'a', re naq ak wan wi' k'aru taaqil ut tooxiwaq xb'aan.

Ester 4:11

«Chixjunileb' laj k'anjel chiru li awab'ej jo'wi' eb' li tenamit neke'xnaw chi us naq chixjunileb' li winq malaj eb' li ixq li te'raj wulak rik'in li awab'ej chiru li neb'aal chi ink'a' b'oqb'ileb', ch'olch'ooq naq te'kamsiiq. Ka'ajwi' te'kole'q wi li awab'ej tixtaqsi li xxuq' oor sa' xb'een xjolomeb'; ut laa'in ak wank chik jun po chi toj maji' ninb'oqe'k rik'in li awab'ej»”.

Daniel 5:28

Parsín naraj naxye, ak jachb'il chik ru laa'awab'ejihom ut xk'eemank reheb' laj Media ut eb' laj Persia”, chan laj Daniel.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Ezequiel 13:6

Moko yaal ta naq neke'ilok moy u, ut tik'ti' li neke'xye. Neke'xye naq laa'in xintaqlank reheb' chi aatinak, ab'an moko yaal ta. Ut neke'royb'eni naq taatz'aqloq ru li raatineb'!

Isaías 44:25

Laa'in ninpo'ok ru li neke'xye eb' laj q'e, ut ninjuk' li esil neke'xye li neke'b'alaq'ink; ninsach xk'a'uxeb' li wankeb' xna'leb', ut memil nakanaak wi' li xnawomeb'.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Daniel 5:31

Laj Darío aj Media a'an chik ki'ok chi awab'ejink naq ak wank wiib' xkaak'aal chihab' re.

Ezequiel 13:19

Laa'ex yal rik'in jun mooch' chi seb'aad ut jun hab'ok chi wa, nikineek'e sa' xutaan chiru lintenamit; nekek'eheb' chi kamk li ink'a' xk'ulub'eb' kamk, ut nekekol xyu'ameb' li ink'a' xk'ulub'eb' kole'k. Chi jo'kan nekeb'alaq'iheb' lintenamit li neke'paab'ank tik'ti'.

Ezequiel 13:17

“Anaqwan ayu chi aatinak rik'ineb' li ixq aawech tenamitul, li neke'aatinak chi yal xk'a'uxeb' rib', ut ye reheb' sa' ink'ab'a':

Proverbios 12:19

Li ani naxye li yaal, wanq chi junelik; a'ut laj tik'ti' ink'a' najt taawanq.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

Daniel 2:8

Tikto li awab'ej kixye reheb': “Xink'e reetal naq yookex chi royb'eninkil naq taanume'q li kutan, xb'aan naq nekenaw li ak k'uub'k'u inb'aan.

Daniel 2:16

ut laj Daniel koho rik'in li awab'ej re xtz'aamankil chiru naq chixkuyaq jun k'amokaq chik, re naq truuq xch'olob'ankil xyaalal li xmatk'.