Daniel 2:5 - Q'eqchi Bible

⁵ Kixye li awab'ej reheb': “Ch'olch'ooq cheru li ninb'aanu: wi ink'a' nekeye we li xinmatk'e ut ink'a' nekech'olob' chiwu li xyaalal, chi putz'inb'il naq tex'oso'q ut taajuk'manq leerochoch.

Li Santil hu

⁵ Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Daniel 2:5 ပူးပေါင်းရင်းမြစ်များ

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Esdras 6:11

“Wi wanq junaq taaq'etoq re li chaq'rab' a'in, chi'isiiq junaq xtz'amb'ahil li rochoch ut chiru ajwi' li che' a'an chikamsiiq li winq. Ut li ochoch taakanaaq chi po'lemil.

2 Reyes 10:27

Ke'xjuk' ajwi' li x'artal laj Bahal, ke'xpuk'i li rochoch ut ke'xkanab' cho'q tz'eqleb'aal mul, chalen toj anaqwan.

Salmos 50:22

“Chetawaq xyaalal laa'ex li nikineetz'eq chirix leech'ool: mare anchal texint'upi ut maajun taakoloq eere.

Daniel 2:12

Toja' naq li awab'ej k'ajo' naq kichalk xjosq'il ut kixye naq che'kamsiiq chixjunileb' laj k'ehol na'leb' sa' xteepal Babilonia.

Salmos 58:7

At inYos, chajoriheb' li ruuch reheb' ut chasach ruheb'; at Qaawa', chatoqi li ruuch reheb' li kok' kaqkoj.

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Deuteronomio 13:16

Taatuub' chixjunil li k'aru xawisi aran sa' xyi li k'ayib'aal ut taak'e xxamlel li tenamit rochb'een jo'ch'inal jo'nimal x'isiik aran. Ut taab'aanu chixjunil a'in sa' xk'ab'a' li Qaawa' laaYos. Li tenamit a'an taakanaaq chi junelik cho'q po'lem ut moko taakab'lamanq ta chik.

Josué 6:26

Sa' li kutan a'an laj Josué kixye a'in sa' jurament: “Majewanb'ilaq chiru li Qaawa' li winq li taawakliiq ut tixwaklesi wi' chik li tenamit Jerikó! Rik'in xkamik li xb'een ralal tixtoj rix li xk'ojob'ankil li rub'elankil li tenamit, ut rik'in xkamik li xch'iip tixtoj rix li xyiib'ankil li rokeb'aal”, chan.

Daniel 4:9

“At Beltsasar, xjolomilat eb' laj q'e -chankin- ninnaw naq nujenaqat chi xmusiq' eb' li loq'laj yos ut maak'a' muqmu chawu. Ab'i k'aru xwil sa' moy u ut ch'olob' chiwu li xyaalal.