Daniel 2:49 - Q'eqchi Bible

⁴⁹ Ut naq laj Daniel kixtz'aama chiru li awab'ej naq laj Sidrak, laj Misak ut laj Abdénago te'xjolomi li xteepalil Babilonia, a'an kik'eemank chiru. Ut laj Daniel kikanaak sa' rochoch li awab'ej.

Li Santil hu

⁴⁹ Laj Daniel quixtzꞌa̱ma chiru li rey nak teꞌqꞌuehekꞌ chi cꞌanjelac saꞌ li tenamit Babilonia laj Sadrac, laj Mesac, ut laj Abed-nego. Yal xban nak joꞌcan quixtzꞌa̱ma laj Daniel, joꞌcan nak queꞌqꞌueheꞌ saꞌ xcuanquileb. Ut laj Daniel aꞌan li kꞌaxal nim xcuanquil saꞌ xya̱nkeb li nequeꞌtaklan saꞌ xbe̱n li tenamit.

Daniel 2:49 ပူးပေါင်းရင်းမြစ်များ

Daniel 1:7

Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Ester 2:19

Naq ke'ch'utub'aak wi' chik xka' sut eb' li tuq'ixq, chunchu laj Mardokeo aran chire rokeb'aal li rochoch li awab'ej.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Ester 2:21

Naq chunchu laj Mardokeo chire rokeb'aal li rochoch li awab'ej chiruheb' li kutan a'an, kixk'e reetal naq laj Biktán ut laj Teres, aj k'aak'aleneleb' re li okeb'aal ut aj tenq'ahom re li awab'ej, k'ajo'eb' xjosq'il ut yookeb' xk'uub'ankil chanru naq te'xkamsi laj Asuero.

Daniel 2:17

Chirix chik a'an laj Daniel kisutq'iik sa' rochoch, ut aran kixseeraq'i re laj Ananías, laj Misael ut laj Asarías, li rochb'eeneb', li k'aru yo chi k'ulmank.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Jeremías 39:3

ut chixjunileb' li xninqal ru winq re laj Nabukodonosor ke'ok ut koxe'kanaaq chire li Nimla Okeb'aal. A'aneb' laj Nerkal-Saréser, laj Sankar-Nebo, laj Sarsekín, xnimal ru aj jolominel, laj Nerkal-Saréser jun chik, nim ajwi' xwankil, ut chixjunileb' li xkomoneb' li xninqaleb' ru winq re li awab'ej re Babilonia.

Proverbios 28:12

Naq li tiik xch'ool naxaqab'aak xwankil, nawank ninq'ehik; ab'an naq neke'numtaak li ink'a' useb' xna'leb', chixjunileb' neke'xmuq rib' xb'aaneb' xxiw.

Ester 3:2

Chixjunileb' laj k'anjel chiru li awab'ej neke'xwiq'ib' rib' ut neke'xxulub' li xjolomeb' chiru laj Amán naq nanume'k malaj naq xaqxo chiruheb', xb'aan naq jo'kan xyehom li awab'ej; ab'an laj Mardokeo ink'a' kiraj xpaab'ankil li chaq'rab' a'in.

Daniel 6:2

ut eb' a'an ke'kanaak rub'el xtaqlahomeb' oxib' chik ninqeb' xwankil, re naq chaab'il taa'elq li xk'anjeleb' ut ink'a' te'xb'alaq'i li awab'ej. Laj Daniel a'an jun sa' xyanqeb' li oxib' ninqeb' xwankil

Daniel 3:1

Laj Nabukodonosor kixk'e chi yiib'aak jun li jalam u oor, wan b'eleelaju moqoj li xteram ut oxlaju k'utub' li xnimal ru, ut kixye naq chixaqab'aaq sa' xtaq'ahil Duur, sa' xteepal Babilonia.