Daniel 2:48 - Q'eqchi Bible

⁴⁸ Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.

Li Santil hu

⁴⁸ Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.

Daniel 2:48 ပူးပေါင်းရင်းမြစ်များ

Daniel 2:6

Ab'anan wi teeye we li k'aru xinmatk'e ut k'aru naraj naxye, texinq'ajkamu chi us, tink'e eesimaatan ut eeloq'al. Jo'kan utan, yehomaq we linmatk' ut li xyaalal”.

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Daniel 4:9

“At Beltsasar, xjolomilat eb' laj q'e -chankin- ninnaw naq nujenaqat chi xmusiq' eb' li loq'laj yos ut maak'a' muqmu chawu. Ab'i k'aru xwil sa' moy u ut ch'olob' chiwu li xyaalal.

Daniel 5:29

Toja' naq laj Baltasar kixye naq chitiqib'aaq laj Daniel rik'in kaqi aq'ej, ut kixk'e chi xkux jun q'ol oor. Kixtaqla ajwi' resil naq laj Daniel a'an chik li roxil chi taqlank.

Daniel 5:16

Wab'ihom resil naq laa'at nakatruuk chi xtawb'al xyaalal ut xtuqub'ankil ruheb' li ch'a'ajkilal. Us b'i', wi nakatruhank chi xyaab'asinkil ut xch'olob'ankil xyaalal li tz'iib'anb'il arin, tattiqib'aaq rik'in kaqi aq'ej, taak'eemanq jun q'ol oor chakux ut tatkanaaq sa' roxil chi taqlank sa' lin'awab'ejihom”.

Daniel 3:30

Chirix chik a'an li awab'ej kixk'eheb' xwankil chi yo'oon reheb' li oxib' chi saaj al, sa' xb'een xteepalil Babilonia.

Daniel 3:12

Ab'anan wankeb' aj Judiiy, a' laj Sidrak, laj Misak ut laj Abdénago, li xaxaqab'eb' chi xjolominkil li xteepalil Babilonia, ink'a' nakate'xpaab', at awab'ej. Ink'a' neke'raj k'anjelak chiru laayos chi moko xloq'oninkil ru li jalam u xak'e chi yiib'aak”.

Daniel 3:1

Laj Nabukodonosor kixk'e chi yiib'aak jun li jalam u oor, wan b'eleelaju moqoj li xteram ut oxlaju k'utub' li xnimal ru, ut kixye naq chixaqab'aaq sa' xtaq'ahil Duur, sa' xteepal Babilonia.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Li xHu LAJ JOB 1:3

Kiwank ajwi' wuqub' mil xkarneer, oxib' mil xkameey ut o'k'aal xkab' o'q'ob' (500) sumal xb'ooyx, ut numtajenaqeb' laj k'anjel chiru. A'an li winq q'axal b'ihom sa' xyanqeb' li wankatqeb' sa' xteepal li releb'l saq'e.

2 Reyes 5:1

Laj Nahamán, xyuwa'ileb' laj puub' re li awab'ej re Aram, a'an jun li winq nawno ru chi us ut jwal raaro xb'aan li awab'ej, xb'aan naq sa' xk'ab'a' a'an li Qaawa' kixk'eheb' laj Aram chi numtaak sa' xb'eeneb' li xik' neke'ilok reheb'. Ab'anan li xnimal ru winq a'an yaj xb'aan li saqlepil.

2 Samuel 19:32

Laj Barsilay ak tiix chik, kaak'aal chihab' wank re. Ut naq laj David wan chaq Majanáhin, kixk'e xtzekemq xb'aan naq naab'al li xb'ihomal.

1 Samuel 25:2

Kiwank Mahón jun li winq jwal b'ihom, li wank xch'och' sa' li tenamit Karmeel. Lajeek'aal xwaqxaq o'q'ob' (3,000) chi karneer ut lajeek'aal rox o'q'ob' (1,000) chi chib'aat wank re. Sa' jun kutan yo chi xb'esb'al rixeb' li xkarneer aran Karmeel.

1 Samuel 17:25

yookeb' chi xyeeb'al: “Ma xeril li winq a'an? Qahob'b'al laa'o naq yo chi k'ulunk. Li ani taakamsinq re, li awab'ej tixk'e naab'al li xb'ihomal. Tixk'e ajwi' li xrab'in, ut ink'a' chik te'patz'e'q xtoj li rech'alal sa' xyanqeb' laj Israel”.

Números 24:11

Tikaq ayu sa' laatenamit! Xinye aawe naq tatinq'ajkamu raj chi chaab'il, ab'an li Qaawa' xmaq' chawu a'an”, chan.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Daniel 8:27

“Laa'in laj Daniel kinlub'k ut kinyajerk xb'aan, chiru naab'al kutan. Chirix chik a'an kinwakliik re k'anjelak wi' chik chiru li awab'ej. Ab'anan toj sachso linch'ool chirix li moy u, xb'aan naq ink'a' ninruhank chi xtawb'al xyaalal.

Daniel 4:6

Toja' naq xinb'oqeb' chixjunileb' laj k'ehol na'leb' li wankatqeb' sa' xteepal Babilonia, re naq te'xch'olob' chiwu li xyaalalil li moy u.