Daniel 2:47 - Q'eqchi Bible

⁴⁷ Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Li Santil hu

⁴⁷ Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Daniel 2:47 ပူးပေါင်းရင်းမြစ်များ

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Timoteo 6:15

A'an taak'utb'esiiq sa' xq'ehil xb'aan li Yos Awab'ej, q'axal loq' ut jun chirib'il, a' li Rey sa' xb'eeneb' li rey ut Qaawa' sa' xb'eeneb' li Qaawa',

Daniel 2:37

Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Salmos 136:2

Chexyoxinq chiru li Yos jwal nim xwankil, li xnimal xrahom wank chi junelik!

Salmos 82:1

Xsaalm laj Asaf. Li Qaawa' naxaqliik sa' xyanqeb' li wankeb' sa' li loq'laj ch'utam, ut naraqok aatin sa' xyanqeb' li wankeb' xwankil:

Salmos 72:11

Chixjunileb' li awab'ej che'xwiq'ib' rib' chiru a'an, ut chixjunileb' li tenamit che'k'anjelaq chiru.

Génesis 41:39

Ut kixye re laj José: “Maajun seeb' xch'ool chi moko wank xna'leb' kama' laa'at, xb'aan naq li Yos xk'e chanaw chixjunil a'in.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Daniel 2:19

Ut chiru ajwi' li q'oqyink a'an li Qaawa' kixk'utb'esi chiru laj Daniel li xyaalalil li matk', ut laj Daniel kiyoxink chiru li xYos li choxa,

Li xHu LAJ JOB 12:19

Naxkub'si xwankileb' laj tij ut naxsach ruheb' li ninqeb' xloq'al.

Josué 22:22

“Li Qaawa', xYos chixjunileb' li yos, naxnaw chi us naq ink'a' xqayiib' li artal a'in yal re xq'etq'etinkil qib' malaj re xtz'eqtaanankil li Yos. A'an naxnaw, ut laa'o naqaj naq chenawaq ajwi' chejunilex laa'ex. Wi relik chi yaal naq xqaq'etq'eti qib' malaj xoomaakob'k chiru li Qaawa', chooxk'ehaq ta chi kamk.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

1 Corintios 14:25

Taakutanob'resimanq li muqmu sa' xch'ool; toja' naq toxhupub' rib' chi xloq'oninkil ru li Yos ut tixch'olob' naq relik chi yaal li Yos wank sa' eeyanq.

Salmos 136:3

Chexyoxinq chiru li Qaawa' jwal nim xloq'al, li xnimal xrahom wank chi junelik!

Ezequiel 26:7

“Laa'in, li Qaawa', ninye chi jo'ka'in: Tink'am chaq laj Nabukodonosor, li xnimal ru awab'ej re Babilonia, ut a'an taachalq chaq sa' xjayal releb'l iq' re xsachb'al ru Tiro. Taachalq rik'ineb' li k'iila kawaay, li b'eleb'aal ch'iich' ut eb' li neke'b'eek chirix kawaay, jo'wi' rochb'eeneb' naab'aleb' aj puub'.

Daniel 2:29

“At awab'ej, naq wankat chaq sa' laach'aat, yookat chi k'oxlak chirix li taak'ulmanq sa'eb' li kutan chaalel. Ut li Yos li nakutanob'resink re li muqmuukil na'leb' xk'utb'esi chawu li k'aru taak'ulmanq.

Daniel 2:30

Laa'in ajwi' xk'utb'esiik chiwu li tz'aptz'ookil na'leb' a'in: moko xb'aan ta naq q'axal naab'al inna'leb' chiru chixjunileb' li poyanam, yal re b'an xch'olob'ankil chawu li xyaalalil, at awab'ej, ut re ajwi' taataw ru li k'aru yo wi' laak'a'uxl.

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

Salmos 96:4

Jwal nim xwankil li Qaawa' ut xk'ulub' loq'oniik, q'axal xiwajel ru chiru chixjunileb' li yos.