Daniel 2:40 - Q'eqchi Bible

⁴⁰ “Moqon chik taawakliiq chaq jun xka awab'ejihom, jwal kawaq rib' jo' li ch'iich'. Kama' li ch'iich' naxputz'i ut naxke' chixjunil, jo'kan ajwi' tixb'aanu li awab'ejihom a'an reheb' chixjunil li tenamit.

Li Santil hu

⁴⁰ Ut li hierro, aꞌan retalil li xca̱ xnimal ru tenamit li kꞌaxal nim xcuanquil. Chanchan ajcuiꞌ li hierro xban nak kꞌaxal cauhak rib chiruheb ut aꞌan ta̱isi̱nk xcuanquileb chixjunileb li jun chꞌol chic.

Daniel 2:40 ပူးပေါင်းရင်းမြစ်များ

Daniel 7:7

“Moqon sa' moy u kiwil li xka li xul: a'an q'axal xiwajel, xiw xiw rilb'al ut jwal kaw rib'. Ch'iich'eb' li ruuch re chi k'ajo' xninqal; ut chiru a'an kixwa', kixt'upi ut kixputz'i li xtzekemq, toja' naq kixyeq'i sa' roq li ki'ela'ank. Jalan wi' na'ilok chiruheb' li junch'ol chik ut wank lajeeb' xxukub'.

San Juan 11:48

Wi taaqakanab' chi jo'kan, chixjunileb' te'paab'anq re, ut te'chalq eb' laj Roma, tole'xjuk' li qaSantil Na'aj jo' ajwi' li qatenamit.

Amós 1:3

Jo'ka'in kixye li Qaawa': “Ak k'iila sut xinkuy xmaakeb' laj Damaask ut anaqwan maak'a' chik xkuyb'al, xb'aan naq k'ajo' naq xe'xrahob'tesi eb' laj Galahad.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.

Daniel 2:33

eb' li ra' a'an junes ch'iich'; ut eb' li roq a'an yiijach ch'iich' ut yiijach seb'.

Jeremías 15:12

“Ma natoqe'k tab'i' li q'unilch'iich' li yuub'il rik'in q'anch'iich', li nachalk sa' xjayal releb'l iq'?

Li xHu LAJ JOB 9:17

Tinxrahob'tesi raj rik'in jun kaqsut-iq', ut tixnaab'alob'resi raj lintiq'ilal;

Daniel 2:39

“Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.

Daniel 2:41

At awab'ej, laa'at xawil ajwi' naq eb' li roq ut li ru'uj roq yiijach ch'iich' ut yiijach seb'. A'in naraj naxye naq li xka awab'ejihom jachjooq chirib'il, us ta kawaq b'ayaq rib', xb'aan naq xak'e reetal naq eb' li roq yiib'anb'il rik'in ch'iich' ut seb'.