Daniel 2:39 - Q'eqchi Bible

³⁹ “Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.

Li Santil hu

³⁹ Li plata aꞌan retalil jun chic xnimal ru tenamit cua̱nk xcuanquil, abanan incꞌaꞌ tixtau a̱cuanquil la̱at. Ut li bronce, aꞌan retalil li rox xnimal ru tenamit li ta̱cua̱nk xcuanquil saꞌ xbe̱n chixjunil li ruchichꞌochꞌ.

Daniel 2:39 ပူးပေါင်းရင်းမြစ်များ

Daniel 2:32

Li xjolom a'an tz'aqal chaab'il oor; eb' li xtel ut li re xch'ool a'an tz'aqal plaat; li ru xsa' ut li xyi rix a'an q'anch'iich';

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.

Daniel 10:20

Toja' naq kixye we: «Ma nakanaw k'aru xyaalal naq xinchalk aawik'in? Anaqwan ok wi' chik we chi yalok rik'in li ánjel li nataqlank sa' xb'eeneb' laj Persia. Ut naq akaq xinraqe'k chi yalok rik'in a'an, a' chik li ánjel li nataqlank sa' xb'een Grecia taachalq.

Daniel 8:20

Li karneer wiib' xxukub' li xawil, a'an reetalileb' li awab'ej re Media ut Persia.

Zacarías 6:6

Li b'eleb'aal ch'iich' kelonb'il xb'aaneb' li q'eqikawaay xkoheb' sa' xjayal releb'l iq'; li kelonb'il xb'aaneb' li saqikawaay xkoheb' sa' xjayal rokeb'l li saq'e ut li kelonb'il xb'aaneb' li b'alak' rixeb' xkoheb' sa' xjayal li xsak'leb' iq'”.

Zacarías 6:3

li rox b'eleb'aal ch'iich' yo xkelonkil xb'aaneb' saqikawaay ut li xka yo xkelonkil xb'aaneb' kawaay b'alak'eb' rix.

Daniel 7:23

“Toja' naq li cheekel winq kixye we: «Li xka nimla xul a'an reetalil jun li xka awab'ejihom li taawakliiq chaq sa' ruuchich'och', jalanaq wi' chiru chixjunileb' li junch'ol. A'an taasachoq re chixjunil li ruuchich'och', taanumtaaq sa' xb'een ut pojtz' tixkanab' wi'.

Daniel 2:38

A'an xk'ehok rub'el laawoq eb' li poyanam, eb' li ketomq jo'wi' eb' li xul neke'xik'ank chiru choxa, ut xxaqab' aawankil sa' xb'een chixjunil li ruuchich'och'. Laa'at li jolomej oor, at awab'ej.

Daniel 2:40

“Moqon chik taawakliiq chaq jun xka awab'ejihom, jwal kawaq rib' jo' li ch'iich'. Kama' li ch'iich' naxputz'i ut naxke' chixjunil, jo'kan ajwi' tixb'aanu li awab'ejihom a'an reheb' chixjunil li tenamit.

Daniel 8:21

Li teelom chib'aat, a'an reetalil li awab'ej re Grecia, ut li nimla xukub' li xawil chiru peekem, a'an reetalil li xb'een awab'ej.