Daniel 2:34 - Q'eqchi Bible

³⁴ Naq yookat chi rilb'al a'an, jun li pek x'eelunk chaq sa' xna'aj, chi maajun kitoch'ok chaq re, ut kolnaqk chi roq li jalam u ut kixkok'putz'i.

Li Santil hu

³⁴ Nak yo̱cat chirilbal li jalam u̱ch, jun li pec qui-el saꞌ li u̱l chi ma̱ ani quicutuc re. Ut li pec toj chiru li rok li jalam u̱ch coxnak ut quimuchꞌeꞌ li rok xban.

Daniel 2:34 ပူးပေါင်းရင်းမြစ်များ

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Zacarías 12:3

“Sa' li kutan a'an tink'e Jerusalén jo' junaq aalilpek cho'q reheb' chixjunileb' li tenamit: jo'k'ihaleb' li te'raj xjunajinkil rib' re numtaak sa' xb'een, q'axal ra te'xk'ul.

Isaías 60:12

Li tenamit ut li awab'ejihom li ink'a' naraj k'anjelak chawu, te'sache'q ut te'oso'q chi junwaakaj.

2 Corintios 5:1

Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

1 Pedro 2:7

Jo'kan utan, li pek a'in a'an q'axal nim xloq'al cho'q eere laa'ex li nekexpaab'ank; ab'anan cho'q reheb' li ink'a' neke'paab'ank, natz'aqlok ru li naxye li Santil Hu: “Li pek li kitz'eqtaanaak xb'aaneb' laj kab'lanel kikanaak cho'q xnimal ru pek sa' li kab'l”.

San Mateo 16:18

Ut laa'in ninye aawe: Laa'at aj Pedro ut sa' xb'een li pek a'in tink'ojob' linIklees, ut li xwankil li xb'alb'a ink'a' taanumtaaq sa' xb'een.

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Hechos 4:11

Li Jesus a'an li pek xetz'eqtaana laa'ex laj kab'lanel, ut xkanaak cho'q xnimal ru pek sa' li kab'l.

San Juan 1:13

eb' a'in ink'a' ke'yo'laak rik'in kik', chi moko rik'in li naraj li tz'ejwalej malaj ut rik'in rajom junaq winq, rik'in b'an li Yos yo'lajenaqeb'.

Isaías 8:9

Ch'utub'omaq eerib', ex tenamit, chi yooq leexiw. Ab'ihomaq, ex najtil poyanam: kawresiiq eerib', ab'an taaq'axe'q eeru; yo'oon wanqex chi yalok, ab'an texsache'q ajwi'.

Daniel 2:33

eb' li ra' a'an junes ch'iich'; ut eb' li roq a'an yiijach ch'iich' ut yiijach seb'.

Ezequiel 32:28

“Arin wanqat, Ejiipt, sa' xyanqeb' li ink'a' xe'xpaab' li Qaawa'; arin tatmuqe'q chi q'axal ra sa' laach'ool, rochb'eeneb' li xe'kamsiik sa' li raaxiik'.

Ezequiel 47:5

Kixb'is wi' chik waqxaqib' xwaqlajuk'aal moqoj ut ak nima' chik, tik ink'a' kinru chi nume'k chisa'; ka'ajwi' sa' numx naru nume'k junpak'al.