Daniel 2:28 - Q'eqchi Bible

²⁸ Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Li Santil hu

²⁸ Abanan cuan jun Dios saꞌ choxa. Aꞌan li nacꞌutbesin re li cꞌaꞌru incꞌaꞌ nanauman ut aꞌan ajcuiꞌ li ta̱cꞌutbesi̱nk re cha̱cuu, at rey Nabucodonosor, cꞌaꞌru ta̱cꞌulma̱nk saꞌ eb li cutan cha̱lel. La̱in tinye a̱cue cꞌaꞌru la̱ matcꞌ ut cꞌaꞌru li cacuil nak cuancat saꞌ la̱ chꞌa̱t.

Daniel 2:28 ပူးပေါင်းရင်းမြစ်များ

Génesis 40:8

Ke'chaq'ok eb' a'an ut ke'xye: “Xoomatk'ek ut maajun nach'olob'ank xyaalal chiqu”. Kixye laj José reheb': “Ma ink'a' tab'i' re li Yos li xch'olob'ankil xyaalal li matk'? Seeraq'iiq we laa'in”, chan.

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Génesis 49:1

Laj Jakob kixb'oqeb' chaq li ralal ut kixye reheb': “Ch'utub'omaq eerib' ut tinye resil eere li k'aru teek'ul sa'eb' li kutan chaalel.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Génesis 41:16

Kichaq'ok laj José ut kixye re laj Parahón: “Moko laa'in ta, a' b'an li Yos taasumenq aawe chi chaab'il, at awab'ej”.

2 Pedro 3:3

Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

San Mateo 6:9

Jo'ka'in naq textijoq laa'ex: «At qaYuwa' li wankat sa' choxa, santob'resinb'il taxaq laak'ab'a',

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Daniel 4:5

Ab'anan sa' jun q'oqyink xinmatk'ek ut xinxiwak xb'aan. Li moy u li xwil naq sotsookin chiru linch'aat ut li k'a'aq re ru xnume'k sa' inch'ool k'ajo' naq xine'xxib'esi.

Daniel 2:18

Kixtz'aama ajwi' chiruheb' naq tijoqeb' chiru li Qaawa', re xpatz'b'al xnimal ruxtaan li xYos li choxa chirix li tz'aptz'ookil na'leb' a'an, re naq ink'a' te'kamsiiq rochb'eeneb' laj k'ehol na'leb' re Babilonia.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Jeremías 30:24

Maajoq'e taach'anaaq xjosq'il li Qaawa' toj reetal tixb'aanu ut tixtz'aqob'resi ru li x'alaak sa' xch'ool xb'aanunkil. Ut a'in ink'a' neketaw ru anaqwan, ab'an teetaw xyaalal sa' junaq kutan.

Deuteronomio 31:19

“Ut anaqwan tz'iib'ahomaq li b'ich a'in; chek'ut chiruheb' laj Israel, chek'eheb' chi xb'ichankil re naq li b'ich a'in tixch'olob' naq ink'a' us ke'xb'aanu eb' laj Israel.

Deuteronomio 4:30

Naq wanqex sa' rahilal ut sa' chixjunileb' li ch'a'ajkilal a'in sa' roso'jikeb' li kutan, wi texsutq'iiq chaq rik'in li Qaawa' leeYos ut teerab'i xyaab' xkux,

2 Timoteo 3:1

Chanawaq naq sa' roso'jikeb' li kutan wank honal q'axal ch'a'ajkaq xnumsinkil.

Ezequiel 38:8

«Akaq xnume'k k'iila kutan, taak'ehe'q aataqlankil. Moqon chirix naab'al chihab', tattaqlaaq chi yalok rik'in jun tenamit li kiwank sa' raaxiik', ab'an sa chik wankeb' anaqwan; junxil ke'cha'cha'iik sa' xyanqeb' li k'iila tenamit ut ke'juk'iik chi junwaakaj, ab'an ch'utch'uukeb' wi' chik anaqwan sa'atqeb' li xtzuulul Israel.

Jeremías 48:47

Ab'anan laa'in, sa' roso'jikeb' li kutan, tink'ameb' chaq wi' chik eb' laj Mohab sa' li xna'ajeb'”, chan li Qaawa'. Arin xraqe'k resilal li rahilal te'xk'ul eb' laj Mohab.

Números 24:14

“Us b'i', xik we anaqwan sa' lintenamit. Kim ut tinye aawe li k'aru te'xb'aanu aawe li tenamit a'in chiruheb' li kutan chaalel”, chan laj Balaham.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Génesis 41:25

Toja' naq laj José kixye re laj Parahón: “At awab'ej, laamatk' laa'at junaj ajwi' ru: li Yos kixk'ut chawu li k'aru ok re chi xb'aanunkil.

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

Ezequiel 28:3

Ma q'axal wank tab'i' aana'leb' chiru laj Daniel? Ma nakanaw tab'i' chixjunil li muqmuukil na'leb'?

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Daniel 2:45

A'an a'in li xyaalal li pek li xtolk'ok chaq sa' li tzuul chi maajun kitoch'ok chaq re, ut kolxputz'i li q'anch'iich' ut li seb', li ch'iich', li plaat ut li oor. “At awab'ej, jo'ka'in naq li Nimajwal Yos xk'utb'esi chawu li taak'ulmanje'q chiruheb' li kutan chaalel. Ut tz'aqal yaal li matk' a'an jo'wi' li xyaalalil”, chan laj Daniel.