Daniel 2:21 - Q'eqchi Bible

²¹ Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Li Santil hu

²¹ Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Daniel 2:21 ပူးပေါင်းရင်းမြစ်များ

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Li xHu LAJ JOB 12:18

Narisiheb' li awab'ej sa' xwankileb' ut naxtaqlaheb' chi k'anjelak cho'q aj mun.

1 Reyes 4:29

Li Yos kixk'e re laj Salomón xnimal xchoxahil na'leb' ut xseeb'al xch'ool, jo' ajwi' jwal nim xchaab'ilal jo' li samahib' chire li palaw.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

1 Reyes 3:28

Naq chixjunileb' laj Israel ke'rab'i li raqok aatin kixb'aanu li awab'ej, chixjunileb' ke'xxiwa ru laj Salomón, xb'aan naq ke'xk'e reetal naq relik chi yaal wank xchoxahil na'leb' chi raqok aatin.

Éxodo 31:3

ut xinnujob'resi rik'in xmusiq' li Yos: xink'e xna'leb' ut xseeb'al xch'ool. Ch'olch'o chiru chixjunileb' li k'anjel,

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Daniel 2:9

Wi ink'a' nekeye we linmatk' jo'wi' li xyaalal, juntaq'eet ajwi' li tojb'amaak teek'ul chejunilex, xb'aan naq xek'e eerib' sa' aatin re intik'ti'inkil ut inb'alaq'inkil re naq us tex'elq. Yehomaq b'i' we li matk' ut rik'in a'an tintaw ru naq teeye ajwi' we li xyaalal”.

1 Crónicas 22:12

A' taxaq li Qaawa' chik'ehoq laana'leb' ut laak'a'uxl, re naq jo'q'e tatxxaqab' chi awab'ejink sa' xb'een Israel, taak'anjela ru li xchaq'rab' li Qaawa' laaYos.

1 Reyes 10:24

Chixjunileb' sa' ruuchich'och' neke'raj rilb'al ru laj Salomón, re seeraq'ik rik'in ut xnawb'al li xchoxahil na'leb' k'eeb'il re xb'aan li Yos.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Daniel 11:6

Ink'a' chik najtaq chirix a'an, li awab'ej re Ejiipt tixb'aanu jun sumwank rik'in li awab'ej re Siria ut tixk'e li xrab'in cho'q rixaqil re twanq li tuqtuukil usilal. Ab'anan moko najt ta taawanq li sumwank, xb'aan naq li ixq taakamsiiq rochb'eeneb' li xkok'al, li xb'eelom ut eb' li kixk'ameb' chirix.

1 Crónicas 29:30

Tz'iib'anb'il ajwi' reetalil chanru ki'awab'ejink ut kitaqlank, k'aru kixk'ul a'an jo'eb' ajwi' laj Israel ut eb' li jalan tenamit.

Éxodo 31:6

K'e reetal, laa'in xink'e laj Oholiab cho'q aj tenq' re, a' li ralal laj Ajisamak, xkomoneb' li ralal xk'ajol laj Dan. Xink'e ajwi' xseeb'aleb' xch'ool chixjunileb' laj k'anjel re te'xb'aanu chixjunil li xatintaqla wi':

Ester 1:13

ut kixye reheb' li ramiiw: “K'ehomaq reetal k'aru xinxsume wi' lix Vasti. Raqomaq aatin sa' xb'een ut yehomaq k'aru tento xb'aanunkil anaqwan”.

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

Daniel 1:17

Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Daniel 2:20

ut kixye chi jo'ka'in: “Chinimaaq taxaq xk'ab'a' li Qaawa' chi junelik q'e kutan, xb'aan naq re A'an li choxahil na'leb' ut li wankilal.

Daniel 2:23

Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 4:14

ut xye chi kaw xyaab' xkux: «T'anomaq li che', yok'omaq eb' li ruq', jilomaq li xxaq ut kutomaq chi najt eb' li ru. Elqeb' li xul sa' li xmu ut eb' li xik'anel xul sa'eb' li ruq'.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.