Daniel 12:7 - Q'eqchi Bible

⁷ Li tiqto rik'in liin sa' xb'een li ha' kixtaqsiheb' li ruq' sa' choxa ut kiwab'i chi xyeeb'al sa' jurament sa' xk'ab'a' li Yos li wank chi junelik: «Chiru wan xka chihab', naq taaraqe'q xsachb'aleb' ru li santil tenamit, taatz'aqloq ru chixjunil a'in».

Li Santil hu

⁷ Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Daniel 12:7 ပူးပေါင်းရင်းမြစ်များ

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Apocalipsis 12:14

Ab'an li ixq kik'ehe'k re xkab'ichaleb' li xxik' li nimla t'iw, re taaxik'anq toj sa' li xna'aj, sa' li chaqich'och', najt rik'in li nimla k'anti'. Ut aran tento taach'oolaniiq chiru wank xka chihab'.

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.

Apocalipsis 13:5

Kik'ehe'k ajwi' xwankil li josq' aj xul chi xyeeb'al q'etq'etil aatin ut majewank, jo' ajwi' chi k'anjelak chiru wiib' roxk'aal po.

Apocalipsis 12:6

A'ut li ixq ki'elelik toj sa' li chaqich'och' b'ar wi' wank xna'aj kawresinb'il xb'aan li Yos: aran taach'oolaniiq chiru oxk'aal xka o'q'ob' kutan (1,260).

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Deuteronomio 26:19

A'an tixterq'usi laaloq'al, laak'ab'a' ut laawankil sa' xb'een chixjunileb' li tenamit li kixyoob'tesi, ut laa'ataq jun tenamit q'axtesinb'ilaq cho'q re li Qaawa' laaYos, jo' chanru kixye aawe A'an”.

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Daniel 12:6

Ut jun reheb' kixpatz' re li ánjel tiqto rik'in t'ikr liin li xaqxo sa' xb'een li ha': «Jo'q'e te'raqe'q eb' li sachb'ach'oolej a'in?».

Daniel 11:13

Li awab'ej re Siria tixch'utub' wi' chik naab'aleb' laj puub' chi q'axal yo'oon wi' chik chiruheb' li xb'enwa, ut sa' wiib' oxib' chihab' chik taaxik chi yalok rochb'een k'iila o'q'ob' chi aj puub' ut jwal kawresinb'ilaqeb' chik.

Daniel 8:14

Ut li jun chik ánjel kichaq'ok ut kixye: «Chiru wan xka chihab'; toja' naq li loq'laj Muheb'aal taasantob'resiiq wi' chik».

Deuteronomio 32:40

Nintaqsi li wuq' sa' choxa ut ninye: Relik chi yaal naq yo'yookin chi junelik.

San Lucas 21:14

K'ehomaq b'i' sa' eech'ool: meek'oxla chi rub'elaj chanru teekol eerib',

Li xHu LAJ JOB 27:2

Sa' xk'ab'a' li yo'yookil Yos, li ink'a' naraj raqok aatin sa' inb'een sa' tiikilal, ut ninxnujob'resi chi rahil ch'oolej,

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Ezequiel 20:5

“Ye reheb': «Jo'ka'in xye li Qaawa': Naq kinsik' ruheb' laj Israel cho'q intenamit, kinye injurament chi anchal linch'ool reheb' li ralal xk'ajol laj Jakob ut kink'utb'esi wib' chiruheb' aran Ejiipt. Kintaqsi li wuq' chi xyeeb'al reheb' naq laa'in li Qaawa', li xYoseb'.

Daniel 10:5

kintaqsi li wilob'aal ut kiwil jun li winq tiqto rik'in liin ut b'ak'b'o li xsa' chi k'aamalsa' oor.

Daniel 12:8

“Laa'in kiwab'i li kixye, ab'an ink'a' kintaw xyaalal. Jo'kan naq kinpatz' wi' chik: «Wa'chin, chanru naq toxraqe'q chixjunil a'in?», chankin.

Deuteronomio 32:36

“Xb'aan naq li Qaawa' tixtenq'a li xtenamit, taaruxtaana ruheb' li xmoos naq taaril chi lajk li xmetz'eweb' ut maak'a'eb' chik aj mun ut aj eechal reheb'.

Daniel 4:31

Toj yo ajwi' xyeeb'al eb' li aatin a'in li awab'ej, naq ki'ab'imank jun xyaab' kuxej kichalk chaq sa' choxa ut kixye: “Aawik'in nin'aatinak, a Nabukodonosor. Xmaq'mank chawu laa'awab'ejihom.

Daniel 7:21

Laa'in kink'e reetal naq li xukub' a'an ki'ok chi yalok rik'ineb' li sik'b'ileb' ru xb'aan li Nimajwal Yos ut kixq'axeb' ru,