Daniel 12:12 - Q'eqchi Bible

¹² Us xaq re li tixkuy royb'eninkil ut toxtaw eb' li o'laju xwuqk'aal xka o'q'ob' (1,335) kutan.

Li Santil hu

¹² Us xak reheb li ti̱queb xchꞌo̱l li teꞌxcuy xnumsinquil li oxib chihab riqꞌuin cuukub po ut oꞌlaju cutan (1,335 cutan) chi incꞌaꞌ teꞌchꞌina̱nk xchꞌo̱leb.

Daniel 12:12 ပူးပေါင်းရင်းမြစ်များ

Daniel 8:14

Ut li jun chik ánjel kichaq'ok ut kixye: «Chiru wan xka chihab'; toja' naq li loq'laj Muheb'aal taasantob'resiiq wi' chik».

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Romanos 11:15

Xb'aan naq wi rik'in naq ke'tz'eqtaanaak eb' laj Judiiy, kik'ame'k wi' chik sa' usilal li ruuchich'och' xb'aan li Yos, ma toja' ta chik li rokikeb' sa' li paab'aal? A'an chanchanaq xwaklijikeb' wi' chik chi yo'yo eb' li kamenaq!

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

Apocalipsis 12:6

A'ut li ixq ki'elelik toj sa' li chaqich'och' b'ar wi' wank xna'aj kawresinb'il xb'aan li Yos: aran taach'oolaniiq chiru oxk'aal xka o'q'ob' kutan (1,260).

Apocalipsis 13:5

Kik'ehe'k ajwi' xwankil li josq' aj xul chi xyeeb'al q'etq'etil aatin ut majewank, jo' ajwi' chi k'anjelak chiru wiib' roxk'aal po.

Ezequiel 4:6

Naq akaq xe'raqe'k li kutan a'an, sa' laanim chik taayokob' aawib' ut chiru ka'k'aal kutan taawiiqani li xmaakeb' laj Judá. Junq kutan rix li junq chihab' taatoj rix li xmaakeb'.