Daniel 11:45 - Q'eqchi Bible

⁴⁵ Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Li Santil hu

⁴⁵ Tixyi̱b lix muheba̱l saꞌ xya̱nkeb li cuib chi palau nachꞌ riqꞌuin li tzu̱l bar cuan cuiꞌ lix Templo li Ka̱cuaꞌ. Ut ta̱cuulak xkꞌehil nak ta̱osokꞌ li rey. Ut aran ta̱ca̱mk ut ma̱ ani chic ta̱tenkꞌa̱nk re.

Daniel 11:45 ပူးပေါင်းရင်းမြစ်များ

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Apocalipsis 20:9

Ke'taqe'k sa' xb'een chixjunil li xnimal ru li ruuchich'och' ut ke'xsut li xna'ajeb' li sant jo' ajwi' li tenamit raaro xb'aan li Yos. Ab'anan kikub'e chaq xam sa' choxa ut kixsacheb'.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

Zacarías 14:8

Sa' li kutan a'an jun yu'amha' taayo'laaq Jerusalén: yiijach taaxik sa' li Atz'aminb'il Palaw ut yiijach taaxik sa' li palaw wank sa' xjayal rokeb'l saq'e; ut ink'a' taachaqiq sa' saq'ehil.

Miqueas 4:2

k'ajo'aqeb' xk'ihal li poyanam te'chalq ut te'xye: “Kimqex ut taqe'qo sa' xtzuulul li Qaawa', sa' rochoch li xYos laj Jakob. A'an tixk'ut chiqu k'aru li rajom ut laa'o tqataaqe li b'e sik'b'il ru xb'aan”. Xb'aan naq aran Sión taa'elq chaq li chaq'rab', ut Jerusalén taachalq li raatin li Yos.

Joel 2:20

Twaanilasiheb' li neke'chalk chaq sa' xjayal releb'l iq', ut toxinkanab'eb' chaq sa' li chaqich'och', sa' junesal na'ajej. Eb' laj k'amol xb'eheb' tinsub'eb' sa' li Atz'aminb'il Palaw, ut eb' li wankeb' chi ixb'ej tinsub'eb' sa' li palaw jun chik; ut aran te'q'aaq ut te'chuho'q. Relik chi yaal naq xninqal sachb'ach'oolej ok we chi xb'aanunkil!”.

Daniel 11:41

Moqon chik taa'ok sa' li xchaq'alil ru na'ajej, ut naab'aleb' te'kamsiiq aran; ab'anan te'xkol rib'eb' laj Edom, eb' laj Mohab ut li xk'ihaleb' laj Amón.

Daniel 11:16

Li awab'ej re Siria tixb'aanu li k'aru taaraj xb'aanunkil, chi maajun taaruuq chi sumenk re; toxkanaaq sa' li xchaq'alil ru na'ajej ut taanumtaaq sa' xb'een.

Daniel 7:26

Ab'anan, naq taawulaq xkutankil li raqok aatin, taa'isiiq li xwankilal, taasachmanq ru ut taajuk'manq li x'awab'ejihom chi junajwa.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Ezequiel 39:2

Tatinsutq'isi chaq; timil timil tatwisi chaq sa' laana'aj, sa' xjayal releb'l iq', ut tatink'am chaq sa'eb' li xtzuulul Israel.

Isaías 14:13

Laa'at li xaye sa' laach'ool: «Taanimanq inwankil toj sa' choxa; toj aran tink'ojob' chaq link'ojarib'aal, toj sa' xb'eeneb' li xchahim li Yos. Tink'ojlaaq sa' li na'ajej neke'xch'utub' wi' rib'eb' li yos, sa' xjayal chaq li releb'l iq'.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Salmos 48:2

Nim xwankil li Qaawa'! Q'axal xk'ulub' naq taanimaaq ru li qaYos. Sa' li xtenamit wank li xloq'laj tzuul,

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Daniel 9:16

At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Daniel 11:44

Ab'an sa' xjayal releb'l iq' ut sa' xjayal releb'l saq'e taachalje'q jun li esil jwal ra rab'inkil; jo'kan naq li awab'ej re Siria k'ajo' naq taachalq xjosq'il ut taaxik chi xsachb'al ut xkamsinkil naab'aleb' li poyanam.

Números 34:5

Tixq'ot chaq rix li xnub'ajlil Asmón toj chire xNima'il Ejiipt ut toxraqe'q sa' li palaw.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.