Daniel 11:22 - Q'eqchi Bible

²² Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

Li Santil hu

²² Li ani teꞌxyal numta̱c saꞌ xbe̱n, teꞌsachekꞌ. Chanchan ta̱cha̱lk butꞌ saꞌ xbe̱neb nak tixsacheb. Li cui̱nk aꞌan tixsach ru li jun li quiba̱nun re li contrato riqꞌuin.

Daniel 11:22 ပူးပေါင်းရင်းမြစ်များ

Daniel 11:10

«Te'xkawresi rib'eb' li ralal xk'ajol li awab'ej re Siria ut te'xch'utub' naab'aleb' laj puub'. Jun reheb' a'an tixkut rib' chi junpaat jo' li b'ut'iha' sa' xb'een Ejiipt; chirix a'an taa'ok wi' chik chi yalok re reechaninkil li kawub'resinb'il ochoch.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Amós 9:5

Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Daniel 11:23

Tixb'alaq'iheb' li poyanam rik'in k'ojob'ank sumwank, ut taanimanq xwankil, us ta moko nim ta li xtenamit.