Daniel 11:19 - Q'eqchi Bible

¹⁹ Toja' naq li awab'ej re Siria taasutq'iiq sa' li xtenamit, sa'eb' li kawub'resinb'il ochoch; ab'anan taaq'axe'q ru ut taakamq chi maajun chik taatawoq re.

Li Santil hu

¹⁹ Ut li rey li cuan saꞌ li norte ta̱e̱lelik chiru ut yo̱k raj chi sukꞌi̱c saꞌ lix tenamit. Abanan ta̱cua̱nk xchꞌaꞌajquilal saꞌ be ut incꞌaꞌ ta̱cuulak.

Daniel 11:19 ပူးပေါင်းရင်းမြစ်များ

Ezequiel 26:21

Xiwajel tatinkanab', ut maawa'aqat chik tenamit; tatsik'e'q, ab'an maajoq'e chik tattawmanq”, chan li Qaawa'.

Salmos 37:36

xinnume'k wi' chik ut maak'a' chik sa' xna'aj, xinsik'i ut maab'ar chik xtawmank.

Jeremías 46:6

Moko te'ruuq ta elelik eb' li kaw neke'aanilak chi moko te'kole'q li jwal kaw rib'eb': sa' xjayal releb'l iq', chire li nima' Éwfrates, xe'tichk'ok ut xe't'ane'k.

Salmos 27:2

Naq neke'chalk sa' inb'een laj b'aanuhom maa'usilal ut eb' li xik' neke'ilok we neke'raj insachb'al, eb' a'an chik te'tichk'oq ut te't'ane'q.

Li xHu LAJ JOB 20:8

Taa'oso'q li xyu'am jo' li matk', ut taasachq jo' li moy u chiru q'oqyink.

Isaías 24:20

Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.

Daniel 11:7

Toja' naq jun xkomon li ixq taa'ok chi awab'ejil. Taayaloq rik'ineb' laj puub' re li x'awab'ej Siria, toxreechani li kawub'resinb'il ochoch ut tixq'ax ruheb'.

Li xHu LAJ JOB 34:24

Naxsach ruheb' li ninqeb' xwankil chi ink'a' naxpatz' k'aru xmaakeb', ut jalan chik naxkanab' sa' xna'ajeb'.

Salmos 37:35

Ak wilom li ink'a' us xch'ool chi xnimob'resinkil rib', chanchan jun nimla tz'unu'j che' naq xxaqab' rib';