Daniel 11:12 - Q'eqchi Bible

¹² Naq akaq xsacheb' ru li k'iila aj puub', tixnimob'resi rib' ut k'ajo'eb' chik li poyanam tixkamsi, ab'anan moko toxnumtaaq ta chik.

Li Santil hu

¹² Ut kꞌaxal cuiꞌchic tixnimobresi rib li rey li cuan saꞌ li sur nak ta̱numta̱k saꞌ xbe̱neb li cuanqueb saꞌ li norte xban nak ta̱re̱chaniheb. Ut tixqꞌueheb nabal chi camsi̱c. Abanan incꞌaꞌ chic najt ta̱cua̱nk saꞌ lix cuanquil.

Daniel 11:12 ပူးပေါင်းရင်းမြစ်များ

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

1 Timoteo 3:6

Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza.

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Ezequiel 28:17

Q'axal xak'e aawankil xb'aan laachaab'ilal, ut xasach laachaab'il na'leb' xb'aan xchaq'alil aawu. Laa'in xatinkut chiru ch'och' re xk'utb'al laaxutaan chiruheb' li awab'ej.

Ezequiel 28:5

Sa' xk'ab'a' naq wank aana'leb' chi yakok xatamresi laab'ihomal, ut xb'aan xnimal laab'ihomal xanimob'resi aawib'.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Proverbios 16:18

Li naxk'e xwankil xjunes rib', taa'oso'q; li naxq'etq'eti rib', taat'ane'q.

2 Crónicas 32:25

Ab'an laj Esekías ink'a' kixyoxi li usilal ki'uxk re, kiq'etq'eto'k b'an li xch'ool. Jo'kan naq li xjosq'il li Qaawa' kichalk rik'in a'an ut rik'ineb' laj Judá ut eb' laj Jerusalén.

2 Crónicas 26:16

Ab'anan naq kinimank li xwankil, kiq'etq'eto'k toj reetal kixsik' xrahilal: kixq'etq'eti rib' chiru li Qaawa' li xYos, xb'aan naq ki'ok sa' rochoch li Qaawa' chi k'atok k'ajpom sa' xb'een li artal.

2 Crónicas 25:19

At awab'ej Amasías, laa'at xaye sa' laach'ool: «Xinsach ruheb' laj Edom», chankat sa' laach'ool. Jo'kan naq nakak'e aawankil. Us b'i', naru taanima aawib', ab'anan kanaaqat sa' laawochoch! K'a' naq taasik' aarahilal ut li xsachikeb' laj Judá aawochb'een?”.

2 Reyes 14:10

At awab'ej Amasías, laa'at xasach ruheb' laj Edom, jo'kan naq nakak'e aawankil. Us b'i', naru taanima aawib', ab'anan kanaaqat sa' laawochoch! K'a' naq taasik' aarahilal ut taawaj ajwi' li xsachikeb' laj Judá aawochb'een?”.

Deuteronomio 8:14

“Mare anchal taasachq sa' laach'ool li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Daniel 11:11

Toja' naq li awab'ej re Ejiipt k'ajo' naq taajosq'o'q, taaxik chi yalok rik'in li awab'ej re Siria ut chixjunileb' li k'iila o'q'ob' chi aj puub' re Siria te't'ane'q sa' ruq'.

Daniel 11:13

Li awab'ej re Siria tixch'utub' wi' chik naab'aleb' laj puub' chi q'axal yo'oon wi' chik chiruheb' li xb'enwa, ut sa' wiib' oxib' chihab' chik taaxik chi yalok rochb'een k'iila o'q'ob' chi aj puub' ut jwal kawresinb'ilaqeb' chik.