Daniel 1:7 - Q'eqchi Bible

⁷ Li xjolomileb' laj k'anjel kixjal li xk'ab'a'eb': laj Daniel, kixk'e cho'q aj Beltsasar; laj Ananías, kixk'e cho'q aj Sidrak; laj Misael, kixk'e cho'q Misak ut laj Asarías, kixk'e cho'q aj Abdénago.

Li Santil hu

⁷ Ut li nataklan saꞌ xbe̱neb li eunucos quixqꞌue xcꞌabaꞌeb. Laj Daniel quiqꞌueheꞌ chokꞌ aj Beltsasar. Laj Ananías quiqꞌueheꞌ chokꞌ aj Sadrac. Laj Misael quiqꞌueheꞌ chokꞌ aj Mesac ut laj Azarías quiqꞌueheꞌ chokꞌ aj Abed-nego.

Daniel 1:7 ပူးပေါင်းရင်းမြစ်များ

Daniel 5:12

xb'aan naq q'axal q'es li xch'ool chi na'leb'ak, wank xnawom ut jwal seeb' xch'ool chi xtawb'al xyaalal eb' li matk', eb' li moy u ut chi xtuqub'ankil ru junaq ch'a'ajkilal. Yookin chi aatinak chirix laj Daniel, a' li Beltsasar kik'ehe'k cho'q xkab' xk'ab'a' xb'aan laayuwa'. Jo'kan utan chib'oqmanq chaq laj Daniel, ut a'an tixch'olob' ru li tz'iib'anb'il chiru li tz'ak”, chan li ixq.

Daniel 4:8

Moqon chik xchalk wik'in laj Daniel, Beltsasar nayeemank re sa' xk'ab'a' linyos. A'an jun winq li wank li xmusiq' eb' li loq'laj yos, ut xinseeraq'i re linmatk':

Daniel 2:49

Ut naq laj Daniel kixtz'aama chiru li awab'ej naq laj Sidrak, laj Misak ut laj Abdénago te'xjolomi li xteepalil Babilonia, a'an kik'eemank chiru. Ut laj Daniel kikanaak sa' rochoch li awab'ej.

Daniel 1:3

Toja' naq li awab'ej kixye re laj Aspenas, li xjolomileb' laj k'anjel, naq tixsik'eb' wiib' oxib'aqeb' li saaj winq sa' xyanqeb' laj Israel, a' yaal ma sa' xyanq li ralal xk'ajoleb' li awab'ej malaj sa' xyanqeb' li xninqaleb' ru winq.

2 Reyes 24:17

Chirix chik a'an li awab'ej re Babilonia kixxaqab' cho'q awab'ej laj Matanías, rikan laj Johakín, ut kixjal li xk'ab'a': aj Sedesías chik kixk'e cho'q xk'ab'a'.

2 Reyes 23:34

Toja' naq laj Parahón Nekó kixxaqab' cho'q awab'ej laj Eliakín, ralal laj Josías, cho'q reeqaj li xyuwa', ut aj Johakín chik kixk'e cho'q xk'ab'a'. Ut laj Johakás kik'ame'k toj Ejiipt, b'arwi' kikamk.

Daniel 2:26

Toja' naq li awab'ej kixpatz' re laj Daniel, Beltsasar li xkab' xk'ab'a': “Ma tatruhanq chi xyeeb'al we linmatk' ut xch'olob'ankil li xyaalal?”, chan.

Génesis 41:45

Laj Parahón kixk'e aj Safnat-Panéhaj cho'q xk'ab'a' laj José, ut cho'q rixaqil kixk'e lix Asnat, xrab'in laj Poti Fera, aj tij aran On. Jo'ka'in naq laj José kixaqab'aak xwankil sa' xb'een li tenamit Ejiipt.

Daniel 1:19

Li awab'ej ki'aatinak rik'ineb' ut q'axal kisaho'k xch'ool: maajun junaq aj k'anjel kixtaw jo' laj Daniel, laj Ananías, laj Misael ut laj Asarías; jo'kan naq ke'kanaak chi k'anjelak chiru li awab'ej.

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 4:5

Ab'anan sa' jun q'oqyink xinmatk'ek ut xinxiwak xb'aan. Li moy u li xwil naq sotsookin chiru linch'aat ut li k'a'aq re ru xnume'k sa' inch'ool k'ajo' naq xine'xxib'esi.