Cantares 8:5 - Q'eqchi Bible

⁵ Ani a'an li yo chaq chi taqe'k sa' li chaqich'och', q'alq'o chaq xb'aan li winq narahok re? Rub'el xche'el li mansaan xatwajsi chaq, b'arwi' xatsiyaak xb'aan laana', sa' li na'ajej b'arwi' xatsiyaak ut xat-alaak.

Li Santil hu

⁵ ¿Ani li yo̱ chak chi cha̱lc saꞌ li chaki chꞌochꞌ kꞌalkꞌo xban li cui̱nk li narahoc re? Rubel xmu li cheꞌ mansana xincuajsi a̱cuu. Saꞌ li naꞌajej aꞌan quiticla xraylal la̱ naꞌ. Saꞌ li naꞌajej aꞌan catyoꞌla.

Cantares 8:5 ပူးပေါင်းရင်းမြစ်များ

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Isaías 40:3

Jun xyaab' kuxej yo chi xyeeb'al: “Tuqub'omaq ru junaq b'e cho'q re li Qaawa' sa' li chaqich'och', helomaq ru junaq nimb'e cho'q re li qaYos sa' li joxk' na'ajej.

Cantares 2:3

Jo' xche'el li mansaan sa' xyanqeb' li che' sa' k'iche'b'aal, jo'kan linrahom sa' xyanqeb' li saaj winq. Ninrahi hilank sa' xmu, ut q'axal sa cho'q we naq ninlow li ru.

Salmos 63:8

laa'at laj tenq'ahom we. K'ajo' naq ninsaho'k chi wank rub'el laakupuhom;

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Cantares 6:10

“Ani a'an li nachalk chaq jo' li hik'e'k, ch'ina'us jo' li po, nalemtz'unk jo' li saq'e, ut jwal kaw rib' jo'eb' li jun teep chi aj puub'?”.

Cantares 3:4

Toje' ajwi' teb'inkanab', naq xintaw li xrahom li waanm. Xinq'alu ut ink'a' chik tinkanab' chi xik, toj reetal twoksi sa' rochoch linna', toj sa' xwarib'aal li x'alank we.

1 Pedro 1:21

Sa' xk'ab'a' li Kriist nekepaab' li Yos, li kiwaklesink re chi yo'yo sa' xyanqeb' li kamenaq ut kixk'e xnimal xloq'al: ut chi jo'kan leepaab'aal ut leeroyb'enihom xaqxookeb' rik'in li Yos.

San Juan 13:23

Jun reheb' li xtzolom, a' li q'axal raaro xb'aan li Jesus, wank chi xk'atq sa' meex.

Oseas 12:4

Kiyalok rik'in jun li ánjel ut kixq'ax ru, kiyaab'ak ut kirelaji li rusilankil. Moqon chik koxtaw li Yos aran Betel ut ki'aatinak rik'in.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Isaías 43:19

Jalan chik li k'aru tinb'aanu, ut ak xintikib' xb'aanunkil. Ma toj maji' nekek'e reetal? Yaal naq tinte junaq b'e sa' li chaqich'och', jo' junaq nimb'e sa' li junesal na'ajej.

Cantares 8:1

A, wi ta laa'at li wiitz'in tu'resinb'ilat ta xb'aan linna', tinwutz' raj aawu naq tatink'ul sa' b'e chi maajun taase'enq we.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.

Apocalipsis 12:6

A'ut li ixq ki'elelik toj sa' li chaqich'och' b'ar wi' wank xna'aj kawresinb'il xb'aan li Yos: aran taach'oolaniiq chiru oxk'aal xka o'q'ob' kutan (1,260).

Gálatas 4:19

Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.

Romanos 7:4

Jo'kan utan, ex was wiitz'in, laa'ex ajwi' xexkanaak chi kamenaq chiru xChaq'rab' laj Moisés sa' xk'ab'a' xkamik li Kriist, re naq jalan chik taa'eechaninq eere: a' Li kiwaklesiik wi' chik chi yo'yo sa' xyanqeb' li kamenaq re naq laa'o too'uuchinq cho'q re li Yos.

Isaías 36:6

Nink'e reetal naq kaw aach'ool rik'ineb' laj Ejiipt re naq tate'xtenq'a. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Cantares 4:8

Kim wik'in, at wixaqil; elqo Líbano! Kim wik'in, elqo Líbano! Kim, kub'en chaq sa' li tzuul Amaná, sa' li tzuul Senir ut Hermón, sa' xsokeb' li kaqkoj, sa' xna'ajeb' li hix.

Salmos 63:9

li waanm naxjunaji rib' aawik'in ut laanim uq' nakuutunk we.