Cantares 7:4 - Q'eqchi Bible

⁴ laakux kama' wi' jun najt xteramil kab'l yiib'anb'il rik'in marfil, xsa'eb' laawu jo'keb' li ha' li wank Jesbón, chi xk'atq li Rokeb'aal Bat-Rabín; laawu'uj chanchan li najt xteramil kab'l re Líbano, li wank sa' xka'yab'aal Damaask.

Li Santil hu

⁴ La̱ cux chanchan jun li cab najt xteram yi̱banbil riqꞌuin marfil. Ut lix nakꞌ a̱cuu chanchaneb li xnaꞌaj li haꞌ li cuan aran saꞌ li tenamit Hesbón chire li oqueba̱l Bat-rabim xcꞌabaꞌ. Ut la̱ cuuꞌuj chanchan li cab najt xteram li cuan aran Líbano saꞌ xjayal li tenamit Damasco.

Cantares 7:4 ပူးပေါင်းရင်းမြစ်များ

Cantares 4:4

Laakux chanchan wi' li xnajt teramil ochoch laj David, kab'lanb'il rik'in tuqub'anb'il ru pek, b'arwi' t'uyt'uukeb' jun mil chi koleb' ch'iich', a'aneb' xkoleb' eb' li jwal kaweb' rib'.

Salmos 144:12

Eb' li qalal qak'ajol sa' xsaajilaleb' jo'kaqeb' taxaq li ninqi che'; ut eb' li qarab'in jo'kaqeb' taxaq li uutz'u'ujinb'il oqech li neke'k'ojlaak wi' eb' li ninqi kab'l.

Hebreos 5:14

A'ut li kawil tzekemq a'an cho'q reheb' li ak ninqeb', a'aneb' li ke'xk'aytesi li xk'a'uxl chi xtawb'al ru b'ar wank li us ut b'ar wank li ink'a' us.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Cantares 6:5

Isi laawilob'aal sa' inb'een, xb'aan naq li xsa'eb' laawu xe'xq'ax wu. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Cantares 4:1

K'ajo' laach'ina'usal, at inrahomat, k'ajo' laach'ina'usal! Xsa' laawu, chanchaneb' li mukuy naq nak'utunk chaq chirix laat'ikr. Laawismal chanchaneb' jun ch'uutal chi chib'aat li yookeb' chi kub'eek sa' li tzuul Galahad.

Cantares 1:10

K'ajo' xch'ina'usal eb' laako sa' xyanqeb' laaka'xik, jwal ch'ina'us laakux sa' xyanqeb' li q'ol!

Salmos 45:8

Nakara li us ut nakatz'eqtaana li maa'usilal. Jo'kan naq li Qaawa' laaYos xatxxaqab' ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' laawech awab'ejil.

2 Crónicas 8:6

Kixyiib' Bahalat ut chixjunileb' li tenamit k'uulanb'il wi' chixjunil li tzekemq; jo'kan ajwi' eb' li tenamit li wankeb' wi' li xb'eleb'aal ch'iich', eb' li xkawaay ut chixjunil li jo'k'ihal kiraj xkab'lankil laj Salomón aran Jerusalén, Líbano ut sa'eb' chixjunil li na'ajej wankeb' rub'el li x'awab'ejihom.

1 Reyes 22:39

Chixjunil li xyehom xb'aanuhom laj Ajab, li ochoch yiib'anb'il rik'in marfil ut chixjunileb' li tenamit kixyiib', tz'iib'anb'ileb' sa' xHuhil li xyehom xb'aanuhomeb' li awab'ej re Israel.

1 Reyes 10:22

xb'aan naq li awab'ej wank xjukub'eb' re Tarsis rochb'een li xjukub'eb' laj Jirán, ut rajlal ox ox chihab' neke'k'ulunk eb' li jukub' aran Tarsis ut neke'xk'am chaq oor, plaat, marfil, eb' li b'atz' ut eb' li chakak.

1 Reyes 10:18

Kixtaqla ajwi' xyiib'ankil jun li nimla k'ojarib'aal yiib'anb'il rik'in marfil, li kixletzexi ru rik'in tz'aqal oor.

1 Reyes 9:19

Kixtaqla ajwi' xwaklesinkileb' wi' chik li tenamit k'uulanb'il wi' chixjunil li tzekemq, eb' li tenamit li wankeb' wi' li xb'eleb'aal ch'iich' ut eb' li xkawaay, jo' ajwi' chixjunil li jo'k'ihal kiraj xkab'lankil laj Salomón aran Jerusalén, Líbano ut sa'eb' chixjunil li na'ajej wankeb' rub'el li x'awab'ejihom.

1 Reyes 7:2

Kixyiib' ajwi' li rochoch, “K'iche' re Líbano” xk'ab'a', kach'in chik maa waqxaqib' xka'k'aal moqoj li roq, kach'in chik maa kaalaju moqoj li xnimal ru ut numenaq waqxaqib' moqoj xteram, k'ojk'o sa' xb'een kaahib' tzol chi xche'el li yaw; ut sa' xb'eeneb' li oqech neke'hilank li tz'amb'a yiib'anb'ileb' ajwi' rik'in yaw.

2 Samuel 8:6

Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

Génesis 15:2

Kichaq'ok laj Abrán ut kixye: “At inQaawa', k'a' aj e li taasi we, wi tinkamq chi maajun walal ink'ajol, ut laj Elieser aj Damaask taareechani li k'a'aq ru we?”.

Cantares 4:5

Eb' laatu' chanchaneb' wi' wiib' ral li kej, kok' luteb', li yookeb' chi ichajib'k sa' xyanqeb' li saqihix.