Cantares 5:6 - Q'eqchi Bible

⁶ Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.

Li Santil hu

⁶ Xinte li puerta re nak tincuocsi li cui̱nk li ninra. Abanan ma̱ ani chic. Ac xco̱. Xyotꞌeꞌ raj chic inchꞌo̱l chirix nak xinra̱tina. La̱in quin-oc chixsicꞌbal. Quinbok, abanan incꞌaꞌ quichakꞌoc.

Cantares 5:6 ပူးပေါင်းရင်းမြစ်များ

Cantares 5:2

Ak yookin chi wark, ab'an linch'ool aj'ook. Xwab'i xyaab' xkux linrahom yo chi xtoch'b'al li okeb'aal: “Te li okeb'aal chiwu, at inrahom, at xsumwaanm, at inmukuy li maak'a' aamuxul. Xt'aqaak linjolom xb'aan li sujew, yo chi t'uluk li xchu'ke sa' li wismal”.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

San Marcos 14:72

Tikto kiyaab'ak xka' sut li tzo' kaxlan. Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak ka' sutaq li tzo' kaxlan, akaq ox sut xaye naq ink'a' nakanaw wu”. Ut k'ajo' naq kiyot'e'k chi yaab'ak.

San Mateo 26:75

Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak li tzo' kaxlan, akaq ox sut xaye naq ink'a' nakanaw wu”. Ki'elk chirix kab'l ut k'ajo' naq kiyot'e'k chi yaab'ak.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Oseas 5:6

Rochb'eeneb' li xkarneer ut li xwakaxeb' te'xsik' li Qaawa', ab'anan maab'ar te'xtaw xb'aan naq xrisi rib' sa' xyanqeb'.

Lamentaciones 3:8

Us ta ninjap we chi xpatz'b'al intenq'ankil, ab'an A'an ink'a' naraj wab'inkil.

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 8:17

Us ta li Qaawa' xmuq rib' chiruheb' li ralal xk'ajol laj Jakob, laa'in k'ojk'o linch'ool chirix A'an, ut xaqxo li woyb'enihom rik'in.

Cantares 6:1

B'ar xkoho laarahom, at jwal ch'ina'usat sa' xyanqeb' li ixq? B'ar xk'am laarahom re naq tqasik' chaq qochb'eenat?

Cantares 5:4

Linrahom xch'ik li ruq' sa' xhopolal li okeb'aal, ut k'ajo' naq naxamnak li waanm!

Proverbios 1:28

“Toja' naq tineeb'oq, ab'anan laa'in ink'a' tinchaq'oq; tineesik', ab'anan ink'a' tineetaw.

Salmos 80:4

At Qaawa', choohaawaklesi wi' chik, choohaawil rik'in xnimal laawusilal, ut tookole'q!

Salmos 77:3

Naq wankin sa' rahilal, ninsik' li Qaawa', ut chi q'eq ink'a' ninhilank chi xye'b'al li wuq' chi elajink; ab'an ink'a' nintaw xk'ojob'ankil li waanm.

Salmos 69:3

Yookin chi sub'e'k sa' saab' ru li k'ajo' xchamal, ink'a' nintaw xna'aj li woq re naq tinxaqliiq; xinwulak toj sa' xchamal li ha' ut li xkawil oq li nima' yo chinjukunkil.

Salmos 30:7

Naq tuqtu linch'ool, xink'oxla: “Maajoq'e taach'inanq li waanm!”.

Salmos 28:1

Xsaalm laj David. At Qaawa', yookin chi xyaab'ankil laak'ab'a'; at insaqoonak, chawab'i taxaq xyaab' linkux. Mare anchal laa'inaq jun chi xik sa' jul, wi ink'a' tinaawab'i chaq, at inYos.

2 Samuel 16:10

Kichaq'ok li awab'ej: “A Abisay, k'aru wank we eerik'in laa'ex li yum lix Sarbia? Kanab' laj Semehí chinmajewankil. Wi li Qaawa' xyehok re: «Majewa laj David», ani truuq taayehoq re: «K'a'ut naq yookat chi xb'aanunkil chi jo'kan?»”.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Génesis 42:28

Tikto kixye reheb' li ras riitz'in: “Xe'xq'ajsi chaq lintumin: waye' sa' linsaak!”. Sachaamileb' xch'ool, neke'siksotk naq ke'xye chirib'ileb' rib': “K'a' xaq ru a'in li xb'aanu qe li Yos?”.