Cantares 5:2 - Q'eqchi Bible

² Ak yookin chi wark, ab'an linch'ool aj'ook. Xwab'i xyaab' xkux linrahom yo chi xtoch'b'al li okeb'aal: “Te li okeb'aal chiwu, at inrahom, at xsumwaanm, at inmukuy li maak'a' aamuxul. Xt'aqaak linjolom xb'aan li sujew, yo chi t'uluk li xchu'ke sa' li wismal”.

Li Santil hu

² Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Cantares 5:2 ပူးပေါင်းရင်းမြစ်များ

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

Cantares 2:14

“At inmukuy, li nakamuq aawib' sa'eb' li saqoonak, sa'eb' li na'ajej ch'a'aj xtawb'al, k'ut chiwu laawilob'aal, kanab'in rab'inkil xyaab' laakux, xb'aan naq jwal sa rab'inkil xyaab' laakux ut k'ajo' xch'ina'usal laawu.

Zacarías 4:1

Toja' naq li ánjel li yo chi aatinak wik'in kisutq'iik chaq ut kinrajsi jo' junaq li na'ajsiik sa' xwara.

Cantares 6:9

ab'anan jun ajwi' linmukuy li tz'aqal re ru, jun ajwi' chiru li xna', a'an li jwal raaro xb'aan li x'alank re. Naq na'ile'k ru xb'aaneb' li ixqa'al, nak'eemank xloq'al, ut eb' li xna' li tenamit jo'wi' eb' li xkab' ixaqilb'ej neke'xterq'usi li xk'ab'a':

Salmos 119:1

Us xaq reheb' li wankeb' sa' tiikilal ut neke'b'eek jo' chanru xchaq'rab' li Qaawa'.

San Mateo 8:17

Chi jo'kan kitz'aqlok ru li xyehom li propeet Isaías: “A'an kik'uluk re li qarahilal ut ki'iiqanink re li qayajel”.

Isaías 52:14

Jo' naq naab'aleb' xe'sachk xch'ool chi rilb'al naq moko jo' ta chik junaq poyanam ut ink'a' chik nak'utunk li ru xb'aan li rahilal,

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

Cantares 8:7

Chixjunil li ha' wank sa' palaw ink'a' naru tixchup li Rahok, chi moko taa'oso'q xb'aaneb' li nima'. Wi ta junaq winq tixyeechi'i chixjunil li xb'ihomal li xjunkab'al sa' xk'ab'a' li Rahok, yal tz'eqtaananb'ilaq raj!

Cantares 7:9

Sa' laawe chanchan li b'iin jwal chaab'il li tiik naxik wan wi' linrahom, ut naxt'aqresi li xtz'uumal qe li nokooxiiqank chi wark.

Cantares 5:11

Li xjolom a'an tz'aqal chaab'il oor; li xchamal rismal a'an kama' xxaq li kala', q'eq q'eq jo' rix li tuntz'oq.

Cantares 4:9

Xawelq'a linch'ool, at wanab', at xsumwaanm; ka'ajwi' xinaawil ut xawelq'a linch'ool, rik'in jun ajwi' chi q'ol li wank chakux.

Cantares 4:7

Jwal ch'ina'usat chajunxaqalil, at inrahomat, tz'aqal aawe aawu!

Cantares 3:1

Chiru li q'oqyink, sa' linwarib', xinsik' li xrahom li waanm. Xinsik', ab'an ink'a' xintaw.

Cantares 2:10

Xtikib' aatinak linrahom ut xye we: “Xaqlin, at inrahom, k'ajo' xchaq'al aawu; kim wik'in.

Cantares 2:8

Jun xyaab' kuxej! A'an li raaro inb'aan! Wanle' chaq, yo chaq chi pisk'ok sa' xb'eeneb' li tzuul, taapisk'okje'q sa' xb'eeneb' li b'ool.

Proverbios 23:26

At walal ink'ajol, k'e aach'ool chi wab'inkil, ut il chi us li b'e nink'ut chawu.

Salmos 81:10

Miwank jalanil yos sa' eeyanqil, meewiq'ib' eerib' chiruheb' li jalanil yos.

Génesis 29:20

Laj Jakob kik'anjelak wuqub' chihab' sa' xk'ab'a' lix Rakel, chi ink'a' kireek'a naq kinume'k li kutan, xb'aan naq k'ajo' naq naxra lix Rakel.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Apocalipsis 3:4

Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

San Juan 10:4

Ut naq ak xrisi chixjunileb' li re, k'amol b'e naq naxik chiruheb', ut eb' li karneer neke'xtaaqe, xb'aan naq neke'xnaw rab'inkil li xyaab' xkux.

San Lucas 22:44

Ut naq yo chi k'aachi'ik, kaw chik ki'ok chi tijok: li xtiqob' kama' ninqi tz'uqul chi kik' naq kit'ane'k sa' ch'och'.

San Lucas 9:32

Laj Pedro ut eb' li rochb'een numtajenaqeb' xwara, ab'anan ke'ajk ru ut ke'ril li xnimal xloq'al li Jesus jo' ajwi' li wiib' chi winq li wankeb' rochb'een.

San Lucas 6:12

Sa'eb' li kutan a'an koho li Jesus chi tijok sa' xb'een tzuul ut kixnumsi chixjunil li q'oqyink, yo chi tijok chiru li Yos.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.

Daniel 8:18

“Naq li ánjel yo chi waatinankil, kisachk linna'leb', chi hupuukin chiru ch'och'; ab'an a'an kinxwaklesi ut kinxxaqab'.

San Mateo 7:8

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.

Cantares 1:16

Q'axal ch'ina'usat, at inrahom, sachb'ach'oolej aawilb'al! Li qahilob'aal a'an li pach'aya';

Cantares 5:6

Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.