Cantares 5:15 - Q'eqchi Bible

¹⁵ Eb' li ra' chanchaneb' li oqech yiib'anb'ileb' rik'in saqalpek, xaqab'anb'ileb' sa' xb'een li chaab'il oor. Linrahom na'ilok kama' li tzuul Líbano, k'ajo' xch'ina'usal kama'eb' li yaw.

Li Santil hu

¹⁵ Li raꞌ chanchan li okech yi̱banbil riqꞌuin mármol xakabanbil saꞌ cha̱bil oro. Li cui̱nk li ninra, chꞌinaꞌus rilbal. Chanchan xchꞌinaꞌusal li naꞌajej Líbano. Sicꞌbil ru joꞌ li cheꞌ chacalteꞌ.

Cantares 5:15 ပူးပေါင်းရင်းမြစ်များ

1 Reyes 4:33

Ki'aatinak ajwi' chirixeb' li che', chalen chirix li yaw li wank Líbano toj chirixeb' li neke'yo'laak chiruheb' li tz'ak. Ki'aatinak chirixeb' li xul, eb' li xik'anel xul, eb' li neke'xjukuki rib' chiru ch'och' ut chirixeb' li kar.

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Hechos 2:28

Laa'at xak'ut chiwu li xb'ehil li yu'am ut tinaanujob'resi chi sahil ch'oolejil chawe chawu».

San Mateo 28:3

Nalemtz'unk li rilob'aal chanchan raq'kaaq, ut saq li raq' kama' li ratz'am ke.

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Zacarías 9:17

K'ajo'aq xch'ina'usal ut xchaab'ilal li na'ajej! Li triiw taak'iiresinq reheb' li saaj winq ut li b'iin taasahob'resinq xch'ooleb' li tuq'ixq.

Oseas 14:7

Eb' laj Israel te'hilanq wi' chik rub'el linmuheelahom; te'xk'anjela ru li triiw, te'atz'umaq jo' li xtoonal li uub' ut jwal nawnooqeb' ru jo' li b'iin na'elk Líbano.

Cantares 7:4

laakux kama' wi' jun najt xteramil kab'l yiib'anb'il rik'in marfil, xsa'eb' laawu jo'keb' li ha' li wank Jesbón, chi xk'atq li Rokeb'aal Bat-Rabín; laawu'uj chanchan li najt xteramil kab'l re Líbano, li wank sa' xka'yab'aal Damaask.

Cantares 4:11

Xya'al kab' na'elk chi xtz'uumal aawe, at xsumwaanm. Xya'al kab' ut leech wank rub'el ru'uj aawaq', ut li xsununkil laawaq' kama' xsununkil li tzuul Líbano.

Cantares 2:14

“At inmukuy, li nakamuq aawib' sa'eb' li saqoonak, sa'eb' li na'ajej ch'a'aj xtawb'al, k'ut chiwu laawilob'aal, kanab'in rab'inkil xyaab' laakux, xb'aan naq jwal sa rab'inkil xyaab' laakux ut k'ajo' xch'ina'usal laawu.

Salmos 92:12

Laa'in xwil naq sachsookeb' chik eb' li xik' neke'ilok we; xwab'i naq yookeb' chi yaab'ak eb' li xe'raj raj numtaak sa' inb'een.

Jueces 13:6

Koho li ixq chi xyeeb'al re li xb'eelom: “Jun li xtaql li Yos xk'ulunk wik'in. K'ajo' naq x'ok ink'a'uxl xb'aan! Kama' li x'ánjel li Yos na'ilok. Moko xinpatz' ta b'ar xchalk chaq chi moko a'an xye we li xk'ab'a'.

Éxodo 26:19

Taayiib' ka'k'aal xna'ajeb' li roq li tz'alamche' rik'in plaat, ka'kab' xna'ajeb' li junjunq chi tz'alamche' re li wiib' xhopolal.

Salmos 80:10

xayamtesi li na'ajej, ut li jun toon chi uub' xxe'eni chaq rib' toj reetal xnujob'resi li ruuchich'och'.

Ezequiel 17:23

sa' li xnajt xteramil tzuul re Israel. Aran taak'iiq, taa'uuchinq ut taanimanq jo' xchaq'alil ru yaw. Sa' li xmu te'wanq k'iila paay chi xik'anel xul, te'hilanq ut te'sukub'q sa'eb' li ruq'.

Ezequiel 31:8

Moko juntaq'eet ta rik'ineb' li yaw li wankeb' sa' li xna'aj rawimq li Yos; ink'a' naru xjuntaq'eetankil li xk'ihal li ruq' li saqichaj rik'ineb' li ruq' a'an, chi moko juntaq'eet li xk'ihal li xxaq rik'in xk'ihal li xxaq junaq chik che'. Tik maak'a' junaq che' jwal ch'ina'us chiru a'an sa' li xna'aj li rawimq li Qaawa' Yos.

Salmos 92:13

Li tiikeb' xch'ool neke'k'iik jo' li kala' ut neke'nimank jo' li yaw wank aran Líbano:

Lamentaciones 4:7

Junxil eb' laj Jerusalén li sik'b'ileb' ru, saqsaqeb' jo' li ratz'amke, q'axal saqeb' wi' chik chiru li xya'al tu'; li xtib'eleb' jwal kaq jo' li kaqi q'ol, q'axal kaweb' rib' ut xchaq'al ruheb'.