Cantares 5:14 - Q'eqchi Bible

¹⁴ Eb' li ruq' kama' li matq'ab' oor, uutz'u'ujinb'il rik'in chaab'il pek re Tarsis; li re xch'ool chanchan marfil ji'b'il ru chi us, uutz'u'ujinb'il rik'in raxjohinkil pek.

Li Santil hu

¹⁴ Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Cantares 5:14 ပူးပေါင်းရင်းမြစ်များ

Éxodo 24:10

Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

Isaías 54:11

“Toq'ob' aawu, tawasinb'ilat xb'aan li kaqsut-iq': maajun nak'ojob'ank aach'ool! Laa'in tatinwaklesi wi' chik rik'in q'eqjohinkil pek ut cho'q rub'elankil tink'eheb' li safiro.

Ezequiel 1:16

Junqtaq'eet rilb'al li kaahib' chi sursu, ut neke'lemtz'unk jo' li lemtz'il pek. Junqtaq'eet neke'ilok, chanchan ta wi' ch'ikch'o li junjunq sa' li jun chik.

Isaías 52:13

Laj K'anjel chiwu jwal us taa'elq rik'in li k'aru tixb'aanu; nimaq xwankil ut taaterq'usiiq xloq'al, q'axal taanimaaq li xk'ab'a'.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Cantares 7:2

Chanchan li kuk laach'up, b'arwi' ink'a' nalajk li sununkil b'iin. Laasa' kama' wi' jun tuub' chi triiw li sutsu chi uutz'u'uj.

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

Éxodo 39:13

ut sa' li xka wank jun krisólito, jun ónice ut jun jaspe. Chixjunileb' li pek a'in letzb'ileb' rik'in oor.

Éxodo 28:20

ut sa' li xka taawanq jun krisólito, jun ónice ut jun jaspe: chixjunileb' li pek a'in letzb'ilaqeb' rik'in oor.

Éxodo 15:6

“At Qaawa', k'ajo' xwankil ut xkawilal laanim uq'. At Qaawa', laanim uq' naxputz'i eb' li xik' neke'ilok qe.

Éxodo 28:18

sa' li xkab' tzol taawanq jun rubí, jun safiro ut jun diamante;

Li xHu LAJ JOB 28:16

Q'axal terto xtz'aq chiru li oor nachalk Ofir, jo'wi' chiruheb' li xchaq'alil ru pek.

Daniel 10:6

Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.