Cantares 5:10 - Q'eqchi Bible

¹⁰ Linrahom nalemtz'unk xtib'el ut kaqmoyink, nawno ru chi tz'aqal sa' xyanqeb' k'iila o'q'ob' chi winq.

Li Santil hu

¹⁰ Li cui̱nk li ninra, aꞌan sak xtibel ut cꞌajoꞌ xchakꞌal ru. Caꞌaj cuiꞌ aꞌan li mas cha̱bil saꞌ xya̱nkeb laje̱b mil chi cui̱nk.

Cantares 5:10 ပူးပေါင်းရင်းမြစ်များ

Salmos 45:2

Sa' li waanm na'elk chaq xchaq'alil ru aatin, ok we chi b'ichank cho'q re jun li awab'ej; li ru'uj waq' a'an xtz'iib'leb' li sa' junpaat natz'iib'ak.

Salmos 45:17

At awab'ej, eb' laawalal aak'ajol te'wanq sa' xna'ajeb' laana' laayuwa'; laa'at taaxaqab'eb' cho'q aj jolominel sa' xb'een chixjunil li ruuchich'och'.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

Colosenses 1:18

A'an ajwi' xjolomil li Iklees, a' li xtz'ejwal. A'an li xtiklajik, li xb'een yo'lajenaq sa' xyanqeb' li kamenaq, re naq nimaq xwankil sa' xb'een chixjunil.

Romanos 9:5

Eb' a'an ralal xk'ajoleb' li qaxe' qatoon; sa' xyanqeb' a'an kitz'ejwalo'k li Kriist li kiyo'laak chaq sa' riyajileb'. A'in wank xwankil sa' xb'een chixjunil, Yos usilaatinanb'il chi junelik q'e kutan. Jo'kan taxaq.

Cantares 2:1

Laa'in ruutz'u'ujil li ru taq'a, laa'in chanchanin li saqihix li wank sa'eb' li tzuultaq'a.

1 Samuel 16:12

Tikto laj Jesé kixtaqla xb'oqb'al laj David. Li al a'an q'anq'an rismal, ch'ina'us xsa' ru ut xchaq'al ru na'ilok. Toja' naq li Qaawa' kixye re laj Samuel: “Xaqlin ut yul, xb'aan naq a'an a'in”.

Deuteronomio 32:31

Neke'xnaw chi us eb' li xik' neke'ilok qe naq laj ilol reheb' moko jo' ta laj Ilol qe laa'o.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 10:18

Tixsacheb' xchaq'alil ru li k'iche', ut li chaab'il ch'och' taa'oso'q chi junwaakaj; taakanaaq jo' junaq yaj li yo chi kamk timil timil.

Lamentaciones 4:7

Junxil eb' laj Jerusalén li sik'b'ileb' ru, saqsaqeb' jo' li ratz'amke, q'axal saqeb' wi' chik chiru li xya'al tu'; li xtib'eleb' jwal kaq jo' li kaqi q'ol, q'axal kaweb' rib' ut xchaq'al ruheb'.