Cantares 4:6 - Q'eqchi Bible

⁶ Naq toj maji' nachalk chaq xmaayus li kutan ut taanajto'q li aak'ab', tinxik sa' xk'iche'il li miir ut sa' xb'oolil li k'ajpom.

Li Santil hu

⁶ Nak toj na-icꞌnac li cutan, la̱in tinxic saꞌ eb li tzu̱l li cuan cuiꞌ li mirra ut li incienso.

Cantares 4:6 ပူးပေါင်းရင်းမြစ်များ

Cantares 2:17

Naq toj maji' nachalk xmaayus li kutan ut taanajto'q li aak'ab', sutq'in chaq, at inrahom, jo'qat junaq kej malaj jun ch'ina yuk sa' li tzuul Béter.

Cantares 4:14

li naard ut li asaprán, li kaneel ut sinamoom, ut k'iila paay chi k'ajpom, miir ut álohe, ut chixjunil li sununkil b'an jwal chaab'il.

San Lucas 1:78

Rik'in xnimal ruxtaan li qaYos toloorula'ani jun saqenk chaalel toj taqe'q,

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

1 Juan 2:8

Ab'anan ak' ajwi' li chaq'rab' li nintz'iib'a eerik'in (ut a'an tz'aqal yaal rik'in li Jesus ut eerik'in laa'ex), xb'aan naq li aak'ab' yo chi nume'k ut li tz'aqal saqenk ak nalemtz'unk.

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Salmos 66:15

Tinyeechi'i aawe naab'al li kames ch'oolaninb'ileb' chi us, rochb'een xb'ook li k'atb'il karneer; tinmayeja chawu eb' li b'ooyx ut li teelom chib'aat.

Éxodo 37:29

Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

Éxodo 30:8

ut tixk'at ajwi' naq tixk'e xya'al eb' li saqenk ewu.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Cantares 8:14

Elelin, at inrahom, jo'kaqat junaq kej malaj junaq ral li yuk; elelin sa'eb' li tzuul b'arwi' wank sununkil b'an.