Cantares 4:16 - Q'eqchi Bible

¹⁶ Ajsi aawu, at iq' li nakatchalk chaq sa' releb'l iq', kim, at iq' li nakatchalk sa' xsak'leb' iq'! Apunqex sa' li xna'aj li wawimq, re naq taa'elq chaq li xsununkil. Chichalq linrahom sa' li xsahil na'aj ut chixtzekaaq ta li jwal sa xlowb'al!

Li Santil hu

¹⁶ Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Cantares 4:16 ပူးပေါင်းရင်းမြစ်များ

Cantares 6:2

Linrahom xkoho sa' xna'aj li rawimq, b'arwi' awb'il li sununkil q'een; xkoho chi rilb'al li xketomq sa'eb' li xna'aj awimq ut chi xxokb'aleb' li saqihix.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Ezequiel 37:9

Toja' naq li Qaawa' kixye we: “Aatina li musiq'ej sa' ink'ab'a', at kaamel winq, ut ye re: «Jo'ka'in xye li Qaawa': At musiq' aj k'ehol yu'am, chalqat sa' xkaaxukuutil li ruuchich'och' ut apun sa' xb'eeneb' li b'aq a'in re naq te'yo'yooq»”.

Romanos 15:28

Akaq xinraqe'k rik'in a'in ut akaq xinq'axtesi sa' ruq'eb' li tenq'aal a'in, toxinnume'q eerik'in naq tinxik España.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

San Juan 5:8

Kixye li Jesus re: —Waklin, xok laach'ina ch'aat ut b'een.

San Juan 3:8

Li iq' yalaq b'ar na'apunk ut nakawab'i li xyaab', ab'an ink'a' nakanaw b'ar ta nachalk ut b'ar ta naxik. Jo'kaneb' ajwi' li yo'lajenaqeb' rik'in Musiq'ej.

San Mateo 26:12

Naq xhoy li sununkil b'an a'in sa' inb'een, re xkawresinkil linmuqb'al naq xb'aanu.

San Mateo 26:10

Ab'an li Jesus kixk'e reetal a'an ut kixye reheb': —K'a'ut naq nekech'i'ch'i'i li ixq a'in? Chaab'il k'anjel xb'aanu we.

Isaías 64:1

At Qaawa', us raj naq taate li choxa ut tatkub'eeq chaq! Te'ha'o'q raj eb' li tzuul naq tate'ril.

Cantares 8:12

Li wawimq, a'an we laa'in. Li jun mil chi tumin, a'an aaweheb', at Salomón, ut lajeek'aal cho'q reheb' laj k'aak'alehom re li awimq uub'.

Cantares 2:3

Jo' xche'el li mansaan sa' xyanqeb' li che' sa' k'iche'b'aal, jo'kan linrahom sa' xyanqeb' li saaj winq. Ninrahi hilank sa' xmu, ut q'axal sa cho'q we naq ninlow li ru.

Cantares 1:4

K'amin chawix, aanilaqo! Chinaawoksi sa' laawarib'aal, at in'awab'ej, re toosaho'q ut tooninq'ehiq qakab'ichal, ut q'axal chik tqayal xsahil laarahom chiru li b'iin! Jo'kan pe' naq raarookat!

Eclesiastés 1:6

Wan naq li iq' na'apunk sa' xjayal xsak'leb' iq', ut wan naq na'apunk chik sa' releb'l iq'. Naxsutis rib' li iq', ut naxik wi' chik sa' li na'ajej x'apunk wi' xb'enwa.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Eclesiastés 2:5

Xinyiib' xna'ajeb' li wawimq ut xna'ajeb' li wuutz'u'uj; ut yalaq k'a' chi che'ul li na'uuchink xwaw aran.

Cantares 1:13

Linrahom chanchan jun q'aal chi miir, li nahilank chire linch'ool.

Cantares 2:8

Jun xyaab' kuxej! A'an li raaro inb'aan! Wanle' chaq, yo chaq chi pisk'ok sa' xb'eeneb' li tzuul, taapisk'okje'q sa' xb'eeneb' li b'ool.