Cantares 3:3 - Q'eqchi Bible

³ Xine'xtaw eb' laj k'aak'alenel li neke'xb'eeni li tenamit chiru q'oqyink: “Ma xe'ril ru li xrahom li waanm?”, chankin.

Li Santil hu

³ Eb li nequeꞌcꞌacꞌalen re li tenamit quineꞌril ut quinye reheb: —¿Ma incꞌaꞌ xeril ru li narahoc cue? chanquin reheb.

Cantares 3:3 ပူးပေါင်းရင်းမြစ်များ

Cantares 5:7

Xine'xtaw eb' laj k'aak'alenel li neke'xb'eeni li tenamit chiru q'oqyink. Xine'xteni, xine'xtiq'; eb' laj k'aak'alenel li wankeb' sa' xb'een li suttz'ak xe'risi lint'ikr li tz'aptz'o wi' li xnaq' wu.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

San Juan 20:15

—At ixq, k'a' naq nakatyaab'ak? Ani nakasik'? chu'uxk re xb'aan li Jesus. Sa' xch'ool lix María naq a'an laj ilol awimq; jo'kan naq kixye re: —Wa', wi laa'at xatk'amok re, ye we b'ar xak'e ut laa'in toxinxok chaq.

Ezequiel 3:17

“At kaamel winq, laa'in xatinxaqab' cho'q aj k'aak'alenel reheb' li ralal xk'ajol laj Israel. Naq tinye aawe jun t'orolaq li waatin, laa'at taanumsi reheb' sa' link'ab'a'.

Isaías 62:6

At Jerusalén, sa' xb'eeneb' laasuttz'akil xink'eheb' aj k'aak'alenel li ink'a' te'kanaaq chi ch'anch'o chi q'eq ut chi kutan. Laa'ex li nekepatz' xk'ab'a' li Qaawa', meekanab' aatinak,

Isaías 56:10

Xb'aan naq mutz'eb' li neke'k'aak'alenk re lintenamit, ut maak'a' neke'xk'e reetal. Chixjunileb' chanchaneb' li tz'i' ink'a' nawoob'ak; neke'xnumsi li kutan chi hilank ut chi matk'ek, q'axal nawulak chiruheb' li wark.

Cantares 1:7

At inrahom, ye we b'ar yookat chi xb'eresinkil laaketomq, b'ar nakak'eheb' chi hilank wa'leb', re naq ink'a' jo'aqin jun li ixq tz'aptz'o xnaq' ru, li naxik chirixeb' li xketomq eb' laawamiiw.