Cantares 2:3 - Q'eqchi Bible

³ Jo' xche'el li mansaan sa' xyanqeb' li che' sa' k'iche'b'aal, jo'kan linrahom sa' xyanqeb' li saaj winq. Ninrahi hilank sa' xmu, ut q'axal sa cho'q we naq ninlow li ru.

Li Santil hu

³ Li cui̱nk li ninra, aꞌan li kꞌaxal lokꞌ chiruheb chixjunileb li chꞌajom. Chanchan lix cheꞌel li manzano saꞌ xya̱nkeb li qꞌuila pa̱y ru chi cheꞌ. Nacuulac chicuu hila̱nc saꞌ xmu li rukꞌ. Ut cꞌajoꞌ xsahil nak ninlou li ru.

Cantares 2:3 ပူးပေါင်းရင်းမြစ်များ

Cantares 8:5

Ani a'an li yo chaq chi taqe'k sa' li chaqich'och', q'alq'o chaq xb'aan li winq narahok re? Rub'el xche'el li mansaan xatwajsi chaq, b'arwi' xatsiyaak xb'aan laana', sa' li na'ajej b'arwi' xatsiyaak ut xat-alaak.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Ezequiel 47:12

Junq re li nima' te'k'iiq k'iila paay li che' na'uuchink ut maajoq'e taat'ane'q li xxaq chi moko eb' li ru. Rajlal po te'uuchinq xb'aan naq li ha' na'elk chaq sa' rochoch li Yos taat'aqresinq reheb'. Taatzekaaq li ru ut li xxaq taa'oksiiq cho'q b'an.

Isaías 4:6

re xkolb'aleb' chiru xtiqwal li saq'e ut xmuheelaqeb' chiru li hab' jo'wi' chiru li kaqsut-iq'.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Cantares 5:16

Sa' li re wank li q'unil ut li ki'il, ut a'an q'axal ch'ina'us rilb'al. Jo' a'an linrahom, jo' a'an li xsumwaanm, ex rixqilal Jerusalén!

Cantares 4:16

Ajsi aawu, at iq' li nakatchalk chaq sa' releb'l iq', kim, at iq' li nakatchalk sa' xsak'leb' iq'! Apunqex sa' li xna'aj li wawimq, re naq taa'elq chaq li xsununkil. Chichalq linrahom sa' li xsahil na'aj ut chixtzekaaq ta li jwal sa xlowb'al!

Cantares 2:5

K'ehomaq inkawub' rik'in k'uluj yiib'anb'il rik'in chaqi uub', k'ehomaq chaq inmansaan re naq tk'ulunq linch'ool, xb'aan naq kamk we chi rahok.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

Salmos 57:1

Re li xjolomileb' laj b'ichanel. “Matsachok”. Xsaalm laj David, naq ki'elelik chiru laj Saúl ut koxmuq rib' sa' li ochoch pek.

Salmos 45:2

Sa' li waanm na'elk chaq xchaq'alil ru aatin, ok we chi b'ichank cho'q re jun li awab'ej; li ru'uj waq' a'an xtz'iib'leb' li sa' junpaat natz'iib'ak.

Jueces 9:15

Ut li k'ix kixsumeheb': «Wi relik chi yaal naq xesik' wu re awab'ejink sa' eeb'een, kimqex chi hilank rub'el linmu. Wi ut ink'a' jo'kan, chi'elq xam wik'in ut chixk'at eb' li yaw re Líbano», chan.

Cantares 1:16

Q'axal ch'ina'usat, at inrahom, sachb'ach'oolej aawilb'al! Li qahilob'aal a'an li pach'aya';

Cantares 4:13

Laajunxaqalil chanchan jun sahil na'ajej wankeb' wi' ki'il q'een li jwal sa li ru, li xche'el li asaprán ut li naard.

Cantares 7:13

Sununk li xb'ook eb' li winqil q'een; chire li qochoch wank k'iila paay chi sahil ki'q'een: eb' li ru li toje' xinxok jo'wi' eb' li ak chaqi, ut xink'uula cho'q aawe, at inrahom!

Cantares 8:11

Laj Salomón xwank jun rawimq uub' aran Bahal-Amón. Xq'axtesi li rawimq uub' sa' ruq'eb' laj k'aak'alenel, li tento te'xk'am chaq jun mil chi tumin plaat sa' xq'ehil li xokok uub'.

Cantares 8:12

Li wawimq, a'an we laa'in. Li jun mil chi tumin, a'an aaweheb', at Salomón, ut lajeek'aal cho'q reheb' laj k'aak'alehom re li awimq uub'.

Joel 1:12

Xe'chaqikje'k eb' li xtoonal li uub' ut xe'tz'umaje'k eb' li xche'el li iig; jo'kan ajwi' xe'xk'ul chixjunileb' li xche'el li ki'il q'een ut eb' li kala'. Xlaje'chaqik chixjunileb' li che' ut maak'a' chik sahil ch'oolej sa' xyanqeb' li poyanam.

Salmos 45:3

Q'axal xchaq'al aawu sa' xyanqeb' chixjunileb' li winq; chaab'il ut tz'aqal re ru nakat-aatinak: osob'tesinb'ilat xb'aan li Yos chi junelik.