Cantares 2:13 - Q'eqchi Bible

¹³ “Ak xe'ok chi uuchink li xche'el li iig, ut eb' li uub' k'ajo' xsununkil li ratz'umeb'. Xaqlin, at inrahom, k'ajo' xchaq'al aawu; kim wik'in.

Li Santil hu

¹³ Ac xeꞌoc chi u̱chi̱nc li cheꞌ higo. Ut cꞌajoꞌ xsununquil li ratzꞌum li uvas. Cuaclin, at ixk. Kꞌaxal nacatinra ut cꞌajoꞌ la̱ chꞌinaꞌusal. Quim cuiqꞌuin.

Cantares 2:13 ပူးပေါင်းရင်းမြစ်များ

Cantares 2:10

Xtikib' aatinak linrahom ut xye we: “Xaqlin, at inrahom, k'ajo' xchaq'al aawu; kim wik'in.

Isaías 61:11

Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

San Lucas 19:42

“Wi laa'at xanaw taxaq xb'ehil li tuqtuukil usilal chiru li kutan a'in! Ab'anan muqmu xkanaak chawu anaqwan.

San Mateo 24:32

“Rik'in li xche'el li iig chetzolaq li jaljookil ru aatin a'in. Naq ak naq'unq'utk li ruq' ut yo chi yo'laak li xxaq, aran nekenaw naq xnach'ok chaq li saq'ehil.

Hageo 2:19

K'ehomaq reetal chi us: chalen anaqwan ink'a' taalajq li triiw sa' leek'uleb'aal. Laa'ex toj maak'a' li uub', li iig, li triiw, li granaad, li oliiw sa' leerochoch; ab'an chalen anaqwan laa'in texwosob'tesi»”.

Oseas 14:6

Taak'ihanq ut tixtaw xloq'al jo' li xchaq'alil ru xtoonal li oliiw; k'ajo'aq li xsununkil jo' xsununkil li tzuul Líbano.

Isaías 18:5

Naq naraqe'k chi atz'umak li xtoonal li uub' ut naxtikib' uuchink chi toj maji' ajwi' naq'ano'k li ru, tinsaab'esi ru rik'in ch'iich', tinyok'i ut tinkuteb' chi najt eb' li ruq'.

Cantares 7:8

Xinye sa' inch'ool: Tintaqe'q sa' ru'uj li kala' ut tinxok chaq li ru. Eb' laatu' jo'kaqeb' taxaq li junq chiil chi uub', ut laasununkil jo' taxaq xsununkil li mansaan.

Cantares 6:11

Xinkub'eek sa' li xk'iche'il li nogal, re xka'yankil li xraxraxil ru li taq'a, re rilb'al li xtuxm li xtoonal li uub' ut wi yookeb' chi atz'umak eb' li granaad.

Cantares 1:15

K'ajo' aach'ina'usal, at xsumwaanm, k'ajo' xchaq'al aawu! Chanchaneb' mukuy xsa'eb' laawu.

Cantares 2:15

“Chapomaqeb' li yak, eb' li kok' yak li neke'xsach li awimq uub', a'eb' li qa'uub' li yookeb' chi atz'umak”.