Cantares 1:4 - Q'eqchi Bible

⁴ K'amin chawix, aanilaqo! Chinaawoksi sa' laawarib'aal, at in'awab'ej, re toosaho'q ut tooninq'ehiq qakab'ichal, ut q'axal chik tqayal xsahil laarahom chiru li b'iin! Jo'kan pe' naq raarookat!

Li Santil hu

⁴ China̱cꞌam cha̱cuix chi junpa̱t. La̱atak lin rey. China̱cꞌam saꞌ la̱ cuochoch. Chisahokꞌ taxak kachꞌo̱l saꞌ cuibal. Nacuaj nak tina̱ra. Aꞌan li kꞌaxal lokꞌ chiru li vino. Xban nak kꞌaxal nim la̱ rahom, joꞌcan nak cateꞌxra li tukꞌ ixk.

Cantares 1:4 ပူးပေါင်းရင်းမြစ်များ

San Juan 6:44

Maa'ani naru nachalk wik'in, wi ink'a' k'amb'il chaq xb'aan li Yuwa'b'ej li kitaqlank chaq we; ut laa'in tinwaklesi chi yo'yo sa' roso'jikeb' li kutan.

Oseas 11:4

Rik'in rahok ut q'unil ch'oolejil kink'ameb' chaq wik'in, chanchanin li naxmutzu li xk'uula'al. Kink'utzub' wib' re xk'eeb'al xwaheb',

San Juan 12:32

Ut naq laa'in tintaqsiiq sa' xb'een ch'och', teb'ink'am chaq chixjunileb' wik'in.

Jeremías 31:3

laa'in kink'utb'esi wib' chiru. Laa'in nakatinra rik'in rahom wank chi junelik; jo'kan naq junelik twuxtaana aawu.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.

San Lucas 22:19

Chirix chik a'an kixchap li wa, kiyoxink, kixjachi ut kixk'e reheb': —A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil.

San Lucas 2:10

Ab'an li ánjel kixye reheb': “Mexxiwak xb'aan naq tinye eere jun chaab'il esilal, ut a'an jun xnimal sahil ch'oolej cho'q re chixjunil li tenamit:

San Mateo 25:10

“Naq yookeb' chi xik chi xloq'b'al, kol'elq li b'eelomej, ut eb' li yo'oon wankeb' ke'ok rochb'een sa' li kab'l chi xninq'ehinkil li sumlaak; ut kitz'ape'k li okeb'aal.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Isaías 63:7

Nawaj xjultikankil li ruxtaan li Qaawa' ut xb'ichankil li xnimal xloq'al, sa' xk'ab'a' jo'nimal li kixb'aanu qe, xb'aan li xrahom sa' xb'eeneb' li ralal xk'ajol laj Israel, li kixk'utb'esi rik'in ruxtaanankil qu ut qusilankil xb'aan li xnimal xchaab'ilal li xch'ool.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 45:25

Sa' ink'ab'a' te'q'axoq u ut k'eeb'ilaqeb' xloq'al chixjunileb' li ralal xk'ajol laj Israel”.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Cantares 3:4

Toje' ajwi' teb'inkanab', naq xintaw li xrahom li waanm. Xinq'alu ut ink'a' chik tinkanab' chi xik, toj reetal twoksi sa' rochoch linna', toj sa' xwarib'aal li x'alank we.

Salmos 149:2

Chisaho'q sa' eech'ool chejunilex aj Israel: a'an laj yoob'tesihom eere. Sahoqex laa'ex ralal xk'ajol Sión, xb'aan naq a'an leeRey!

Efesios 2:6

Li Yos xoxwaklesi chi yo'yo qochb'een li Kriist ut xooxk'e chi k'ojlaak sa' li choxa sa' xk'ab'a' li Kristo Jesus,

Sofonías 3:14

B'ichan, at tenamit Sión. Jap aawe xb'aan xsahil aach'ool, at Israel. Saho'qat chi x'anchalil laawaanm, at Jerusalén.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Salmos 119:32

Tink'e inch'ool chi xpaab'ankil laachaq'rab', xb'aan naq laa'at nakak'ojob' li waanm.

Salmos 111:4

Kixb'aanu sachb'ach'oolej li tento xjultikankil. Li Qaawa' a'an aj uxtaan ut natoq'ob'ank u.

Salmos 63:5

Chiru chixjunil linyu'am tatinloq'on ut tinterq'usi li wuq' re xk'eeb'al aaloq'al.

Salmos 48:9

Jo' tz'aqal qab'ihom chaq resil, ak xqil anaqwan sa' xtenamit li Nimajwal Yos, sa' xtenamit li qaYos: k'ojk'o Jerusalén chi junajwa xb'aan li Qaawa'.

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Filipenses 4:4

Junelik chexsaho'q rik'in li Qaawa'. Ninye wi' chik eere: naq chexsaho'q!

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Cantares 4:10

K'ajo' nasaho'k sa' inch'ool naq nikinaaq'alu, at wanab', at xsumwaanm! K'ajo' xchaq'alil ru laarahom: q'axal sa wi' chik chiru li b'iin; ut li xb'ook laasununkil jwal sununk wi' chik chiru chixjunileb' li sununkil b'an.