Apocalipsis 8:8 - Q'eqchi Bible

⁸ Li xkab' ánjel kixyaab'asi li xtronpeet, ut wank k'aru kama' jun nimla tzuul yo xxamlel kikute'k sa' palaw, ut li rox jachal li palaw kikik'o'k ru:

Li Santil hu

⁸ Ut li xcab ángel quixya̱basi lix trompeta. Chanchan jun li nimla tzu̱l yo̱ chi cꞌatc ut quicuteꞌ saꞌ li palau. Caꞌchꞌin chic ma̱ jun jachal li palau quisukꞌi chokꞌ quicꞌ.

Apocalipsis 8:8 ပူးပေါင်းရင်းမြစ်များ

Jeremías 51:25

Relik chi yaal naq yo injosq'il sa' aab'een, at xnimal ru tzuul aj juk'unel, li nakasach chixjunil li ruuchich'och' -chan li Qaawa'-. Twisi linjosq'il sa' aab'een, tatinjukuki sa' xb'eeneb' li saqoonak ut chanchanaqat chik li choqlenb'il k'iche' tatinkanab'.

San Marcos 11:23

Relik chi yaal ninye eere: wi wank junaq taayehoq re li tzuul a'in: «Elen ut kut aawib' sa' palaw», chi ink'a' taawiib'anq xch'ool, tixpaab' b'an naq taa'uxq li yo xyeeb'al, taak'eemanq re.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Apocalipsis 11:6

Eb' a'in wankeb' xwankil chi xtz'apb'al li choxa re naq ink'a' tixk'e li hab' sa'eb' li kutan yooqeb' wi' chi aatinak jo' propeet; wankeb' ajwi' xwankil chi xsutq'isinkil li ha' cho'q kik' jo'wi' re xrahob'tesinkil li ruuchich'och' rik'in chixjunil li rahilal jar wa te'raj xb'aanunkil.

Amós 7:4

A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Ezequiel 14:9

“Ut naq junaq propeet taab'alaq'iiq ut tixye junaq aatin sa' ink'ab'a', naraj naxye naq laa'in xink'ehok re chi b'alaq'iik li propeet a'an; tinrahob'tesi ut twisi sa' xyanqeb' lintenamit Israel.

Zacarías 13:8

Sa' chixjunil li na'ajej a'in, ka'jachaleb' li poyanam te'kamq; ka'aj chik jun jachal te'kole'q.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Apocalipsis 9:15

Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq.

Apocalipsis 9:18

Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'.

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.