Apocalipsis 8:5 - Q'eqchi Bible

⁵ Chirix chik a'an li ánjel kixchap li sansaar, kixnujob'resi rik'in ru xxamlel li artal ut kixkut sa' xb'een li ruuchich'och'. Toja' naq kiwank kaaq, xyaab' kuxej, raq'kaaq ut hiik.

Li Santil hu

⁵ Ut li ángel quixchap li xnaꞌaj li incienso ut quixnujobresi riqꞌuin li ru xam li cuan saꞌ li artal, ut quixcut saꞌ ruchichꞌochꞌ. Nak quitꞌaneꞌ saꞌ ruchichꞌochꞌ naquililnac joꞌ nak namok li ca̱k, ut nareploc li rakꞌ ca̱k ut quicuan ajcuiꞌ hi̱c.

Apocalipsis 8:5 ပူးပေါင်းရင်းမြစ်များ

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Apocalipsis 4:5

Sa' li nimajwal k'ojarib'aal na'elk chaq li raq'kaaq, li xyaab' kuxej ut li kaaq; ut chiru li nimajwal k'ojarib'aal wank wuqub' chi xam lochlookeb', a'aneb' li wuqub' chi xmusiq' li Yos.

Hechos 16:26

Ak taachalq jun nimla hiik, k'ajo' xkawil: ki'eek'ank li rub'elankil li tz'alam, ut chi junpaat ke'tehonk chixjunil li okeb'aal ut kilaje'hite'k li xkareenil chixjunileb' li preex.

Salmos 18:13

Xb'aan xlemtz'unkil li xsaqenk xkanaak li choql chi saqb'ach; jo' nareprotk li raq'kaaq naq xlochk xxamlel.

Levítico 16:12

Chirix a'an tixxok jun li sansaar sa' li artal chiru li Qaawa', nujenaqaq rik'in ru ram; tixxok ajwi' wiib' moch'olaq li k'ajpom li jwal sununk ut tixk'am chirix li t'ilkem;

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

San Lucas 12:49

“Xam xinchalk chi xk'eeb'al sa' xb'een li ruuchich'och' ut k'ajo' ninrahi naq ak lochlooq taxaq!

San Mateo 24:7

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej.

Isaías 66:6

Yo li choqink sa' li tenamit, na'ab'imank xyaab' kuxej sa' rochoch li Yos: a'an li xyaab' xkux li Qaawa' li yo chi xq'ajkamunkileb' li xik' neke'ilok re.

Isaías 30:30

Ut taa'ab'iiq li xkawil xyaab' xkux li Qaawa'; taak'utunq li xnimal xwankil, rik'in li xxamlel li xjosq'il li nasachok, rik'in kaqsut-iq', kaaq ut saqb'ach.

1 Reyes 19:11

Kichaq'ok li Qaawa' ut kixye: “Elen chaq ut xaqab' aawib' chiru li Qaawa', sa' xb'een li tzuul”. Toja' naq li Qaawa' kinume'k ut kiwank jun kawil kaqsut-iq' li kixjach li tzuul ut kilajxjor eb' li pek chiru li Qaawa'; ab'an li Qaawa' maa'ani sa' li kaqsut-iq'. Chirix li kaqsut-iq' aka' chik li hiik; ab'an li Qaawa' maa'ani sa' li hiik.

Zacarías 14:5

Ut laa'ex tex'eleliq sa' li nimla taq'a, xb'aan naq li xtaq'ahil li tzuul taawulaq toj Yasol; tex'eleliq jo' keb'aanu naq kixk'e li hiik sa'eb' li kutan naq kiwank chi awab'ejil laj Osías arin Judá. Ut taachalq li Qaawa' linYos, rochb'eenaqeb' chaq chixjunileb' li xsant.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Apocalipsis 8:3

Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.