Apocalipsis 8:3 - Q'eqchi Bible

³ Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.

Li Santil hu

³ Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Apocalipsis 8:3 ပူးပေါင်းရင်းမြစ်များ

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

Apocalipsis 8:4

Ut li xsib'el eb' li sununkil b'an rochb'een li xtijeb' li sant ki'elk sa' ruq' li ánjel ut kitaqe'k toj chiru li Yos.

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

San Lucas 1:10

Chixjunileb' li k'iila tenamit wankeb' chi tijok chirix kab'l sa' xhonalil xk'atb'al li pom.

Apocalipsis 9:13

Li xwaq ánjel kixyaab'asi li xtronpeet. Toja' naq kiwab'i jun xyaab' kuxej ki'elk chaq sa'eb' li kaahib' chi xxukub' li artal ooro li wank chiru li Yos,

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Éxodo 40:26

Jo'kan ajwi' kixk'e li artal yiib'anb'il rik'in oor sa' xMuheb'aal li ch'utam, chiru li t'ikr,

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Romanos 8:34

Ani taak'ehoq sa' tojb'amaak? Ma li Kristo Jesus li kikamk, ab'an kiwakliik wi' chik chi yo'yo? Anaqwan a'an wank sa' xnim uq' li Yos ut na'aatinak chaq chiqix.

Amós 9:1

Kiwil li Qaawa' xaqxo chi xk'atq li artal ut kixye we: “Chiq'chiq'iheb' li xjolom li oqech toj reetal te'eek'anje'q li oqech. Chaputz'iheb' toj reetal te'naq sa' xb'eeneb' li poyanam. Ut eb' li te'kole'q aran, tink'eheb' chi kamk chi q'esnal ch'iich': us ta raj te'eleliq, maajun taakole'q.

1 Reyes 7:50

eb' li lekleb', eb' li ch'iich', eb' li uk'leb' sek', li xna'aj li b'iin, li xna'aj ru xam junes tz'aqal oor; eb' li neke'surink wi' li xtz'apb'aleb' rokeb'aal li Santil Na'ajej, a' li q'axal Sant xk'ab'a', ut eb' li neke'surink wi' eb' li okeb'aal sa' rochoch li Qaawa', eb' a'in ajwi' yiib'anb'ileb' rik'in tz'aqal oor.

Apocalipsis 7:2

Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw:

Apocalipsis 6:9

Naq kixte li ro' tz'apleb', kiwil rub'el li artal wankeb' aran li raanmeb' li ke'kamsiik sa' xk'ab'a' li Raatin li Yos ut li yaal ke'xk'e wi' xch'ooleb'.

Apocalipsis 10:1

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

Números 4:11

“Sa' xb'een li artal yiib'anb'il rik'in oor te'xhel junaq kaqi t'ikr, te'xtz'ap rik'in junaq tz'uum q'un ru, ut te'xk'e li che' re xpaqonkil.

Números 7:62

Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

Isaías 6:6

Toja' naq jun reheb' li ánjel kichalk wankin wi', ut kixk'am chaq li ru xam li kixxok chaq sa' li artal rik'in jun li chapleb' ch'iich'.

Ezequiel 41:22

junaq artal yiib'anb'il rik'in che', oob' k'utub' li xb'isb'al sa' xkaaxukuutal ut wuqub' k'utub' li xteram. Li rub'elankil, li xk'atq ut li xxuk junes che'. Li winq kixye we: “A'an a'in li meex li wanq chiru li Qaawa'”, chan.

Apocalipsis 8:5

Chirix chik a'an li ánjel kixchap li sansaar, kixnujob'resi rik'in ru xxamlel li artal ut kixkut sa' xb'een li ruuchich'och'. Toja' naq kiwank kaaq, xyaab' kuxej, raq'kaaq ut hiik.

Apocalipsis 14:18

Ut jun chik li ánjel ki'elk chaq sa' li artal, a' li wank xwankil sa' xb'een li xam, ut kaw kixjap re chi xyeeb'al re li wank xq'esnal ch'iich': “Isi laaq'esnal ch'iich' ut set chi kuut li uub' wankeb' sa' ruuchich'och', xb'aan naq ak cheekeb' chik li ru”.