Apocalipsis 8:12 - Q'eqchi Bible

¹² Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Li Santil hu

¹² Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

Apocalipsis 8:12 ပူးပေါင်းရင်းမြစ်များ

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Isaías 13:10

Eb' li chahim chiru choxa ink'a' chik te'saqeno'q ru, li saq'e taaq'oqyino'q ru chi junpaat ut li po ink'a' chik tixkutanob'resi li ruuchich'och'.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Apocalipsis 6:12

Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Apocalipsis 9:18

Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'.

Apocalipsis 9:15

Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq.

San Marcos 13:24

“Ab'an sa'eb' li kutan a'an, naq akaq xk'ulmank li nimla rahilal a'an, li saq'e taaq'oqyino'q ru, li po ink'a' chik taasaqeno'q ru;

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Joel 3:15

Li saq'e ut li po taaq'oqyino'q ru ut taa'aak'ab'o'q ruheb' li chahim.

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Lucas 21:25

“Taawanq eetalil chiru li saq'e, chiru li po ut chiruheb' li chahim; ut te'yot'e'q ut te'sachq xch'ool li tenamit sa' ruuchich'och' xb'aan li xyaab' li xkaw oq li palaw;

San Marcos 15:33

Sa' wa'leb', ki'aak'ab'o'k sa' xb'een chixjunil li ruuchich'och' toj sa' oxib' honal.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Jeremías 4:23

Kiwil li ruuchich'och' ut kink'e reetal naq maak'a' wank chiru; kin'ilok sa' choxa ut maak'a' saqenk chiru.

Hechos 2:20

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xnimal xkutankil li Qaawa'.

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.

Apocalipsis 16:10

Toja' naq li ro' ánjel kixhoy li xsek' sa' xb'een li xk'ojarib'aal li josq' aj xul. Ut li x'awab'ejihom kikanaak sa' aak'ab'. Li tenamit ke'ok chi xtiwb'al li ru'uj raq'eb' xb'aan li ra,