Apocalipsis 7:9 - Q'eqchi Bible

⁹ Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Li Santil hu

⁹ Ut chirix aꞌan, quicuil ajcuiꞌ nabaleb chi tenamit xakxo̱queb chiru li cꞌojcꞌo saꞌ lix lokꞌlaj cꞌojariba̱l ut chiru li Jun li chanchan carner. Incꞌaꞌ naru rajlanquileb xban xqꞌuialeb. Cuanqueb aran aꞌ yal ani xte̱paleb xxeꞌto̱nil xyucuaꞌeb ut aꞌ yal bar xtenamiteb ut aꞌ yal chanru li ra̱tinoba̱leb. Tikibanbileb riqꞌuin saki akꞌ ut cuan chak saꞌ rukꞌeb li rukꞌ cheꞌ palma.

Apocalipsis 7:9 ပူးပေါင်းရင်းမြစ်များ

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

San Juan 12:13

jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

Salmos 2:8

Tz'aama we, ut tink'e chaweechaniheb' li tenamit; aawehaq chixjunil li ruuchich'och'.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

San Lucas 12:1

Sa' ajwi' li honal a'an ke'ch'utlaak k'iila mil chi poyanam, yookeb' chi xpitz'inkil rib'eb'. Ut li Jesus ki'ok chi xyeeb'al xb'een xb'een reheb' li xtzolom: “Chekolaq eerib' chiru li xch'amaleb' laj Pariseey, a' li ka'pak'al uhil.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Levítico 23:40

Sa' xb'een li kutan teexok ru li chaab'il che', jo'wi' li xxaq kala', xxaq xninqal che' ut xxaq li kok' chik che' nak'iik chire li nima', ut chiru wuqub' kutan taasaho'q eech'ool rik'in li Qaawa' leeYos.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Hebreos 11:12

Chi jo'kan rik'in jun ajwi' chi winq ak tiix chi us ke'yo'laak ralal xk'ajol kama' xk'ihaleb' li chahim chiru choxa, kama' li samahib' chire li palaw, li ink'a' naru rajlankileb'.

Efesios 6:13

Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.

Salmos 98:3

Ink'a' xsachk sa' xch'ool li xrahom ut li xchaab'ilal rik'ineb' li ralal xk'ajol laj Israel. Toj sa' xmaril li ruuchich'och' xe'ril li xkolom ut li xrahom li qaYos.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Apocalipsis 5:11

Ut sa' li moy u kiwab'i xyaab'eb' xkux li k'iila ánjel chire li nimajwal k'ojarib'aal jo'wi' chi xsutam li yo'yookeb' ut eb' li cheekel winq, k'iila mil o'q'ob' chi o'q'ob' li xk'ihaleb',

Salmos 77:2

Nataqe'k xyaab' linkux toj rik'in li Qaawa' naq ninjap we chi tz'aamank; nataqe'k xyaab' linkux toj rik'in li Yos, ut a'an taasumenq we.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Salmos 76:4

Aran kixtoqi eb' li ral simaj ut li koleb', eb' li ch'iich' ut chixjunileb' li k'anjelob'aal re yalok.

Zacarías 10:8

“Rik'in jun xuxb' teb'inb'oq ut teb'inch'utub' xb'aan naq laa'in xinkolok reheb'; ut q'axal te'tamq wi' chik jo' naq xe'wank chaq junxil.

Apocalipsis 7:8

sa' xyanqeb' xteepal laj Sabulón kab'laju mil; sa' xyanqeb' xteepal laj José kab'laju mil; sa' xyanqeb' xteepal laj Benjamín kab'laju mil k'eeb'ileb' reetalil.

Apocalipsis 22:3

Maa'ani chik taamajewaaq aran. Li xnimajwal k'ojarib'aal li Yos ut li Karneer taawanq sa' li tenamit a'an, ut eb' laj k'anjel chiru te'loq'oninq re.

Ezequiel 47:5

Kixb'is wi' chik waqxaqib' xwaqlajuk'aal moqoj ut ak nima' chik, tik ink'a' kinru chi nume'k chisa'; ka'ajwi' sa' numx naru nume'k junpak'al.