Apocalipsis 7:2 - Q'eqchi Bible

² Moqon kiwil jun chik li ánjel, yo chaq chi taqe'k sa' releb'l saq'e, wan chaq li xtz'apleb' li yo'yookil Yos rik'in. Ut kaw xyaab' xkux naq kixjap re chi xyeeb'al reheb' li kaahib' chi ánjel li ke'k'ehe'k xwankil chi xrahob'tesinkil li ruuchich'och' ut li palaw:

Li Santil hu

² Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau.

Apocalipsis 7:2 ပူးပေါင်းရင်းမြစ်များ

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

2 Corintios 1:22

ut kixk'e qeetalil rik'in li xkaaxt, kixsi qe sa' li qaanm li Musiq'ej jo' reetalil naq tixb'aanu li xyeechi'om.

Apocalipsis 9:4

Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

Efesios 1:13

Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

Apocalipsis 5:2

Ut kiwil jun li ánjel kaw rib', yo chi xpuktesinkil chi kaw xyaab' xkux: “Ani xk'ulub' risinkileb' li tz'apleb' ut xteeb'al li hu?”, chan.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Apocalipsis 1:3

Us xaq re li taa'iloq re xsa' li hu a'in. Us xaq reheb' li te'ab'inq re li raatin propeet a'in ut te'xk'e xch'ool chirix li tz'iib'anb'il arin, xb'aan naq li xq'ehil nach' chik wank.

Apocalipsis 10:4

Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

Apocalipsis 10:1

Kiwil ajwi' jun chik li ánjel kaw rib', yo chaq chi kub'eek sa' choxa, sutsu sa' choql, wank li kaqlaaq' chi xb'een xjolom; li xnaq' ru kama' li saq'e ut eb' li ra' chanchaneb' oqech yo xxamlel.

Apocalipsis 8:3

Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.

Cantares 8:6

K'ehin cho'q kaaxt chiru laach'ool, jo' junaq kaaxt chiru laatelb', xb'aan naq jwal kaw rib' li Rahok jo' li Kamk, wank xwankil li Sowenak jo' li Xb'alb'a: li xxamlel li Rahok a'an tiqwal xam, tz'aqal xam li nachalk rik'in li Yos!

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Isaías 41:2

Ani xwaklesink chaq re li awab'ej a'an sa' releb'l saq'e, li junelik naq'axok u? Ani naq'axtesink re eb' li tenamit sa' ruq' ut naxkub'si xwankileb' li awab'ej? Pojtz' te'kanaaq xb'aan li xq'esnal ch'iich', ut kama'eb' li k'im naq te'cha'cha'iiq xb'aan li xsimaj.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

Apocalipsis 9:14

ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”.

Apocalipsis 16:12

Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.