Apocalipsis 7:16 - Q'eqchi Bible

¹⁶ Ink'a' chik te'tz'okaaq chi moko te'chaqiq chik reheb'; ink'a' chik te'kete'q xb'aan li saq'e chi moko xb'aan xtiqwal chixjunil k'a'aq re ru.

Li Santil hu

¹⁶ Incꞌaꞌ chic teꞌtzꞌoca̱k chi moco ta̱chakik reheb. Incꞌaꞌ chic teꞌxcꞌul xtikcual li sakꞌe chi moco teꞌlubk xban tik.

Apocalipsis 7:16 ပူးပေါင်းရင်းမြစ်များ

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

San Mateo 5:6

Us xaq reheb' li neke'tz'okaak ut neke'chaqik re, chi xsik'b'al li tiikilal, xb'aan naq eb' a'an te'k'ojlaaq xch'ool.

Salmos 121:6

Maak'a' tixb'aanu aawe li saq'e chi kutan, chi moko li po chiru li q'oqyink.

San Lucas 6:21

“Us xaq eere li nekextz'okaak anaqwan, xb'aan naq texnujob'resiiq moqon. “Us xaq eere li nekexyaab'ak anaqwan, xb'aan naq texse'eq moqon.

San Lucas 1:53

Kixnujob'resiheb' li te'tz'okaaq rik'in chaab'il eechej, ut eb' li b'ihom kixtaqlaheb' chi maak'a' chik wank reheb'.

Isaías 41:17

Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

San Mateo 13:6

ab'an, naq kichalk li saq'e, kik'atk ut kichaqik xb'aan naq maak'a' li xxe'.

Cantares 1:6

Meek'e reetal naq q'eqin: a' li saq'e xk'atok re lintib'el. Eb' li ralal xk'ajol linna' xe'josq'o'k wik'in ut xine'xk'e chi xk'aak'alenkil li awimq uub', ab'an li wawimq laa'in, lin'uub', ink'a' xink'aak'ale.

Santiago 1:11

naq na'elk chaq li saq'e chi k'ajo' xtiqwal, naxchaqihob'resi li pim, nat'ane'k li ratz'um ut na'oso'k li xch'ina'usal. Jo'kan ajwi' naq taa'oso'q li b'ihom sa'eb' li xb'aanuhom.

San Marcos 4:17

Ab'an maak'a' xxe' rik'ineb' ut ink'a' najt neke'xkuy. Ut naq nachalk junaq raaxiik' malaj rahob'tesiik sa' xk'ab'a' li Aatin, sa' junpaat neke'ch'inank xch'ool.

San Marcos 4:6

ab'an, naq ki'elk chaq li saq'e, kik'atk ut kichaqik xb'aan naq maak'a' li xxe'.

San Mateo 13:21

ab'an maak'a' xxe' rik'in ut ink'a' najt naxkuy. Ut naq nachalk junaq raaxiik' malaj rahob'tesiik sa' xk'ab'a' li Aatin, sa' junpaat nach'inank xch'ool.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Salmos 143:6

Ninterq'usi li wuq' chi tijok chawu; kama' li chaqi ch'och' naraj li ha', jo'kanin laa'in chi xrahinkil aawu.

Salmos 63:1

Xsaalm laj David, naq wan chaq sa' li chaqich'och' re Judá.

Salmos 121:5

Li Qaawa' a'an na'ilok ut namuheelank aawe; li Qaawa' wank chak'atq.