Apocalipsis 7:1 - Q'eqchi Bible

¹ Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.

Li Santil hu

¹ Ut chirix chixjunil aꞌin quicuil ca̱hib li ángel xakxo̱queb saꞌ xca̱ pacꞌalil li ruchichꞌochꞌ li nachal cuiꞌ li ikꞌ. Yo̱queb chixkꞌusbal li ikꞌ re nak incꞌaꞌ ta̱numekꞌ chi cau saꞌ xbe̱n li ruchichꞌochꞌ joꞌ ajcuiꞌ saꞌ xbe̱n li palau ut saꞌ xbe̱neb li cheꞌ.

Apocalipsis 7:1 ပူးပေါင်းရင်းမြစ်များ

San Mateo 24:31

Ut tixtaqlaheb' li x'ánjel rik'in xkawil yaab' tronpeet sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xtiklajik li choxa toj sa' xmaril.

Daniel 7:2

A'an a'in li kixtz'iib'a: “Laa'in laj Daniel kiwil sa' linmatk' chiru q'oqyink naq sa' xkaapak'alil li choxa kichalk li iq' ut kolxwulk'usi ru eb' li palaw,

Jeremías 49:36

Sa' xkaaxukuutil li ruuchich'och' te'chalq li kaahib' chi iq', re naq te'xcha'cha'iheb' laj Elam sa' chixjunil li ruuchich'och' ut yalaq b'ar te'wulaq chi xkolb'al rib'eb'.

San Marcos 13:27

Ut tixtaqlaheb' li x'ánjel sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xmaril li ruuchich'och' toj sa' xmaril li choxa.

Daniel 8:8

Li teelom chib'aat ki'ok chi nimank li xtib'el ut q'axal chik kikawuuk li xmetz'ew; ab'anan naq ak kaw chik rib' chi us, kitoqe'k li xnimla xukub' ut sa' xna'aj a'an ke'elk chaq kaahib' chi xukub', li yookeb' chi ilok sa' xkaaxukuutil li ruuchich'och'.

Ezequiel 37:9

Toja' naq li Qaawa' kixye we: “Aatina li musiq'ej sa' ink'ab'a', at kaamel winq, ut ye re: «Jo'ka'in xye li Qaawa': At musiq' aj k'ehol yu'am, chalqat sa' xkaaxukuutil li ruuchich'och' ut apun sa' xb'eeneb' li b'aq a'in re naq te'yo'yooq»”.

Ezequiel 7:2

“At kaamel winq, jo'ka'in xye li Qaawa' reheb' li ralal xk'ajol laj Israel: Xwulak xkutankil li oso'k, ak xwulak xhonalil li roso'jik chixjunil li na'ajej a'in.

Isaías 27:8

Kixrahob'tesi li xtenamit naq kirisi sa' li xna'ajeb' ut kixtaqlaheb' sa' jalanil tenamit; kiraanilasiheb' chi najt xb'aan li xxiwajel josq'il, jo' naq na'apunk li kawil iq' nachalk sa' xjayal releb'l saq'e.

Apocalipsis 9:14

ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Apocalipsis 7:3

“Meerahob'tesi li ruuchich'och' chi moko li palaw malaj eb' li che', toj qak'ehaqeb' wan reetalileb' rik'in kaaxt chi xpeekemeb' laj k'anjel chiru li qaYos”, chan.

Apocalipsis 9:4

Ke'yehe'k chaq reheb' naq maak'a' te'xb'aanu re li che'k'aam sa' ruuchich'och', chi moko re chixjunil li rax rax ru pim malaj re junaq che', ka'ajeb' b'an wi' li winq li maak'a'eb' li xkaaxtil li Yos chi xpeekemeb'.

Zacarías 6:1

Jun sut chik kintaqsi li wilob'aal ut kiwil jun chik moy u: sa' xyanqeb' wiib' chi tzuul ke'elk chaq kaahib' b'eleb'aal ch'iich' re yalok, ut eb' li tzuul a'an junes q'anch'iich'eb'.

Jonás 1:4

Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Apocalipsis 6:6

Ut kiwab'i jo' jun xyaab' kuxej sa' xyiheb' li kaahib' chi yo'yookeb', yo chi xyeeb'al: “Jun b'iis chi triiw chiru lajeeb' xka'k'aal chi tumin, oxib' b'iis chi sebada chiru lajeeb' xka'k'aal chi tumin; ab'an mik'a' aab'aanu re li aseeyt ut li b'iin”.

Isaías 27:3

Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

Daniel 11:4

Ab'an naq ak xk'ojlaak li xwankil, tixjach rib' li x'awab'ejihom ut kaahib' jachal taa'isiiq. Maajun li ralal xk'ajol te'eechaninq li awab'ejilal chi moko te'wanq xwankil jo' xwankil a'an, xb'aan naq taajuk'e'q li x'awab'ejihom ut jalaneb' chik te'eechaninq re.

Zacarías 6:5

Kichaq'ok li ánjel ut kixye: “A'aneb' li kaahib' chi musiq'ej. Junelikeb' chi k'anjelak chiru li xQaawa' li choxach'och', ut anaqwan xe'elk chaq.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Apocalipsis 20:8

ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.