Apocalipsis 6:8 - Q'eqchi Bible

⁸ Toja' naq kiwil, ut aran wank jun li kawaay, chaacha rix. Li k'ojk'o chi xb'een, a'an Kamk xk'ab'a', ut li xb'alb'a yo chi taaqenk re. Ut ke'k'ehe'k xwankil sa' xb'een li xka jachal li ruuchich'och', re kamsink rik'in ch'iich', rik'in we'ej, rax kamk ut rik'ineb' li josq' aj xul wankeb' sa' ruuchich'och'.

Li Santil hu

⁸ Quicuil jun li cacua̱y kꞌan rix. Ut li cuan chirix li cacua̱y, aꞌan Ca̱mc xcꞌabaꞌ. Ut li yo̱ chi ta̱ke̱nc re, aꞌan Xnaꞌaj Camenak xcꞌabaꞌ xban nak aꞌan li ta̱cꞌuluk reheb li teꞌca̱mk. Li cuan chirix li cacua̱y quiqꞌueheꞌ xcuanquil chixcamsinquil nabaleb saꞌ ruchichꞌochꞌ. Jun jachal saꞌ xya̱nkeb li ca̱hib jachal (1/4) chi cristian li cuanqueb saꞌ ruchichꞌochꞌ teꞌca̱mk. Cuan teꞌcamsi̱k riqꞌuin chꞌi̱chꞌ. Cuan teꞌca̱mk xban cueꞌej. Cuan teꞌca̱mk xban yajel ut cuan ajcuiꞌ li teꞌcamsi̱k xban li joskꞌ aj xul.

Apocalipsis 6:8 ပူးပေါင်းရင်းမြစ်များ

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Zacarías 6:3

li rox b'eleb'aal ch'iich' yo xkelonkil xb'aaneb' saqikawaay ut li xka yo xkelonkil xb'aaneb' kawaay b'alak'eb' rix.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Apocalipsis 9:18

Ke'kamsiik li rox jachal chixjunileb' li winq xb'aaneb' li oxib' chi rahilal a'in: xb'aan li xam, li sib' ut li asuupr li na'elk chaq sa' reheb'.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Apocalipsis 9:15

Ut ke'k'ixe'k li kaahib' chi ánjel li yo'oon wankeb' cho'q re li honal, re li kutan, li po ut li chihab', re xkamsinkileb' li rox jachal chixjunileb' li winq.

1 Corintios 15:55

At kamk, b'ar wank laawankil? B'ar wank laatiq'leb', at kamk?”.

Habacuc 2:5

Relik chi yaal naq li b'ihomal nab'alaq'ik; li maak'a'eb' xna'leb' neke'xyal xq'e chi xsik'b'al xtumineb', ut junelik neke'raj xkomon: chanchaneb' li kamk, chanchaneb' li xjulel kamenaq li junelik yo chi royb'eninkil eb' li te'ok chisa'. Neke'xik yalaq b'ar chi sachok tenamit, chi ink'a' nak'ojlaak xch'ooleb'.

Jeremías 16:16

“Xb'enwa tintaqlaheb' chaq naab'al li poyanam chi xchapb'aleb' laj Israel, jo' na'uxk reheb' li kar; chirix chik a'an tintaqlaheb' chaq laj yo re xsik'b'aleb' sa'eb' li tzuul, sa' xb'eeneb' li b'ool ut sa'atqeb' li xloot' li pek -chan li Qaawa'-.

San Mateo 11:23

Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a! Xb'aan naq wi ta Sodoom kilaj'uxmank li sachb'ach'oolej li xe'uxk aawik'in, toj wank raj anaqwan.

Jeremías 43:11

Taachalq ut tolxjuk' Ejiipt. Eb' li ak teneb'anb'il kamk sa' xb'eeneb', te'kamsiiq; eb' li tento te'isiiq sa' li xna'ajeb', te'isiiq; ut eb' li ak teneb'anb'il naq te'kamq sa' li raaxiik', sa' li raaxiik' te'kamq.

Proverbios 5:5

Xtaaqenkil li ixq a'an, a'an re kamk; ut li xb'e tiik naxik sa' li xb'alb'a.

Apocalipsis 12:4

Li xye yo chaq chi xkelonkil li rox jachal xk'ihal li chahim sa' choxa, ut kixkuteb' sa' ruuchich'och'. Toja' naq li nimla k'anti' kixaqliik chiru li ixq ok re chi alank, re naq, jo'q'e taayo'laaq li xk'uula'al, tixnuq' raj.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Jeremías 29:17

«Laa'in, li Nimajwal Yos, ninye eere: Tintaqla chaq li raaxiik', li we'ej ut li raxkamk sa' eeb'een, ut texinkanab' jo'qeb' li q'eenaq iig, li ink'a' chik naru xtzekankil xb'aan xq'eenaqil.

Ezequiel 29:5

Tatinkanab' sa' li chaqich'och', aawochb'een chixjunileb' li kar wankeb' sa' laanima'; t'ant'o tatkanaaq chiru ch'och' ut maajun taaxokoq aawe re aamuqb'al. Tatink'e chi xt'upiheb' li so'sol ut eb' li josq' aj xul.

San Mateo 24:7

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej.