Apocalipsis 6:12 - Q'eqchi Bible

¹² Naq li Karneer kixte li xwaq tz'apleb', kiwil, ut kiwank jun nimla hiik; li saq'e kiq'eqo'k jo' jun li t'ikr mutzuk ru, li po kikanaak chixjunil chanchan kik'

Li Santil hu

¹² Ut quicuil nak li Jun li chanchan carner quixte li xcuak sello ut quicuan jun li nimla hi̱c. Li sakꞌe quikꞌojyi̱noꞌ ru. Chanchan li kꞌeki tꞌicr li nequeꞌrocsi li raheb saꞌ xchꞌo̱l. Ut li po quicakoꞌ joꞌ li quicꞌ.

Apocalipsis 6:12 ပူးပေါင်းရင်းမြစ်များ

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Joel 3:15

Li saq'e ut li po taaq'oqyino'q ru ut taa'aak'ab'o'q ruheb' li chahim.

Amós 8:9

“Sa' li kutan a'an -chan li Qaawa' Yos- tink'e chi aak'ab'o'k ru li kutan ut taachalq li q'oqyink sa' wa'leb'.

Apocalipsis 16:18

Ut ke'chalje'k raq'kaaq, xyaab' kuxej, kaaq ut jun li nimla hiik: maajun sut wanjenaq hiik jo'kan xkawil, chalen chaq sa' rokikeb' li winq sa' ruuchich'och'.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Isaías 50:3

Laa'in nin'ak'ab'ob'resi ru li choxa, chanchan junaq li naxtiqib' rib' rik'in q'eqi t'ikr xb'aan xrahil xch'ool”.

Apocalipsis 8:5

Chirix chik a'an li ánjel kixchap li sansaar, kixnujob'resi rik'in ru xxamlel li artal ut kixkut sa' xb'een li ruuchich'och'. Toja' naq kiwank kaaq, xyaab' kuxej, raq'kaaq ut hiik.

Isaías 24:23

Naq li Qaawa', li Nimajwal Yos, taa'awab'ejinq sa' li tzuul Sión ut Jerusalén, li po ut li saq'e te'q'oqyino'q ru ut eb' laj k'amol b'e te'ril li xloq'al li Qaawa'.

San Mateo 24:7

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej.

San Marcos 15:33

Sa' wa'leb', ki'aak'ab'o'k sa' xb'een chixjunil li ruuchich'och' toj sa' oxib' honal.

San Mateo 28:2

Tikto kiwank jun nimla hiik: jun x'ánjel li Qaawa' kikub'e chaq sa' choxa, kinach'ok wan wi' li muqleb'aal, kixtolk'osi li pek ut kik'ojlaak sa' xb'een.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

San Mateo 27:45

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Zacarías 14:5

Ut laa'ex tex'eleliq sa' li nimla taq'a, xb'aan naq li xtaq'ahil li tzuul taawulaq toj Yasol; tex'eleliq jo' keb'aanu naq kixk'e li hiik sa'eb' li kutan naq kiwank chi awab'ejil laj Osías arin Judá. Ut taachalq li Qaawa' linYos, rochb'eenaqeb' chaq chixjunileb' li xsant.

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Isaías 34:4

Sachaamilaqeb' li chahim, li saq'e ut li po, li choxa tixmoch rib' jo' junaq hu; ut chixjunileb' li chahim li wankeb' chiru choxa te'chupq jo' naq natz'umaak li xtux li uub', kama' naq naq'ano'k li xxaq li xche'el li iig.

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Apocalipsis 8:12

Toja' naq li xka ánjel kixyaab'asi li xtronpeet, ut kikete'k li rox jachal li saq'e, li rox jachal li po ut li rox jachal chixjunileb' li chahim: ki'aak'ab'o'k li rox jachal chixjunil a'an, ut li rox jachal li kutan ink'a' kisaqeno'k ru; jo'kan ajwi' li q'oqyink.

Apocalipsis 16:8

Li xka li ánjel kixhoy li xsek' sa' xb'een li saq'e, ut kik'ehe'k xwankil chi xk'atb'aleb' li winq rik'in xam.