Apocalipsis 5:9 - Q'eqchi Bible

⁹ ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Li Santil hu

⁹ Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Apocalipsis 5:9 ပူးပေါင်းရင်းမြစ်များ

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Salmos 40:3

Xinrisi chaq sa' xchamal li jul, xinrisi sa' li saab' ha' yookin wi' chi sub'e'k, xinxk'e chi b'eek sa' xb'een li saqoonak: maak'a' chik tink'ul sa' linb'eenik.

Apocalipsis 14:6

Chirix chik a'an kiwil jun chik li ánjel yo chi xik'ank sa' xyi li choxa, wan chaq rik'in jun li chaab'il esilal li maak'a' roso'jik: a'an tento xpuktesinkil rik'ineb' li wankeb' sa' ruuchich'och' jo' ajwi' rik'ineb' chixjunil li amaq' ut tenamit, yalaq chan re ru neke'ilok ut neke'aatinak.

1 Corintios 6:20

Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Colosenses 1:14

li naqataw wi' qakolb'al rik'in li xkuyb'al xsachb'al li qamaak.

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

1 Corintios 7:23

Loq'b'ilex chi terto eetz'aq! Meek'e eerib' cho'q xmooseb' li winq!

Salmos 149:1

Aleluya! Cheb'ichaaq junaq ak' b'ich cho'q re li Qaawa', chek'ehaq xloq'al sa' xch'utameb' li neke'rahok re!

Salmos 33:3

b'ichahomaq junaq ak' b'ich cho'q re a'an, tooch'omaq li wajb' chi chaab'il chi sahaq sa' eech'ool!

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Apocalipsis 11:9

Chiru oxib' kutan rik'in jun wa'leb' wanqeb' winq sa' chixjunil li tenamit, sa' chixjunil li amaq', aatinob'aal ut xteepal li ruuchich'och' te'ril li xch'och'el sululeb', ut ink'a' te'xkanab' chi jilib'aak sa' muqleb'aal.

Salmos 144:9

At inYos, tinb'icha cho'q aawe junaq ak' b'ich, tinnima aawu rik'in li aarp li lajeeb' ru:

Salmos 98:1

Saalm. B'ichahomaq junaq ak' b'ich cho'q re li Qaawa', xb'aan naq xb'aanu sachb'ach'oolej. Xq'axok u rik'in xnimal xwankil, rik'in xwankilal li xloq'laj uq'.

Salmos 96:1

B'ichahomaq junaq ak' b'ich cho'q re li Qaawa', b'ichanqex cho'q re li Qaawa' chejunilex li wankatqex sa' ruuchich'och'.

Daniel 3:4

Toja' naq laj yehol esil kixye chi kaw xyaab' xkux: “Ex poyanam ut chejunilex laa'ex li xexchalk sa' jalan jalanq chi tenamit ut nekex'aatinak sa' jalan jalanq chi aatinob'aal, naqak'e chenaw a'in:

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Hebreos 11:14

Ut eb' li ke'aatinak chi jo'kan tz'aqal ke'xk'e chi nawe'k naq yookeb' chi xsik'b'al jun xtenamiteb'.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Daniel 6:25

Toja' naq laj Darío, li awab'ej, kixk'e chi tz'iib'aak li esil a'in reheb' chixjunil li tenamit ut poyanam li wankatqeb' sa' ruuchich'och', a' yaal chanru li raatinob'aaleb': “Chiwanq taxaq tuqtuukil usilal chi numtajenaq sa' eeyanq chejunilex.

Daniel 4:1

A'an a'in li esil kixtaqla laj Nabukodonosor, li awab'ej, reheb' chixjunil li poyanam ut tenamit li wankatqeb' sa' ruuchich'och', a' yaal chanru li raatinob'aaleb': Chiwanq taxaq tuqtuukil usilal chi numtajenaq sa' eeyanq chejunilex.

Daniel 5:19

Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.

Efesios 5:19

Naq wanqex chi ch'utch'u, yehomaq saalm, himno ut loq'laj b'ich; chexb'ichanq ut chexwajb'aq chiru li Qaawa' chi anchal eech'ool.

Apocalipsis 10:11

Toja' naq kiyehe'k we: “Tento naq tat-aatinaq wi' chik jo' propeet chirix naab'aleb' chi tenamit, jo' ajwi' chirix naab'aleb' li amaq' ut awab'ej”.

Apocalipsis 13:7

Kik'ehe'k xwankil chi yalok rik'ineb' li sant ut xq'axb'al ruheb', jo' ajwi' kik'ehe'k xwankil sa' xb'een chixjunileb' li xteepal ut li xtenamit li ruuchich'och', yalaq chanru neke'ilok ut neke'aatinak.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.