Apocalipsis 4:7 - Q'eqchi Bible

⁷ Li xb'een sa' xyanqeb' chanchan jun li kaqkoj, li xkab' chanchan jun teelom wakax, li rox kama' jun li winq na'ilok ut li xka chanchan t'iw yo chi rupupik.

Li Santil hu

⁷ Li xbe̱n li chanchan ángel, aꞌan chanchan na-iloc jun li cakcoj; li xcab, aꞌan chanchan na-iloc jun li cuacax; li rox, aꞌan cuan xnakꞌ ru chanchan ru jun cui̱nk; ut li xca̱, aꞌan chanchan jun li nimla cꞌuch yo̱ chi xicꞌa̱nc.

Apocalipsis 4:7 ပူးပေါင်းရင်းမြစ်များ

Ezequiel 10:14

Kaapak'al ru eb' li junjunq chi kerubín: li xb'een chanchan li wakax na'ilok; li xkab' jo' jun li winq na'ilok; li rox chanchan li kaqkoj ut li xka kama' jun li t'iw na'ilok.

Ezequiel 1:10

Eb' li kaahib' a'an jo'ka'in neke'ilok: chiru, neke'ilok jo'eb' li winq; sa' li xnimeb', neke'ilok jo'eb' li kaqkoj; sa'eb' li xtz'e, neke'ilok jo'eb' li wakax, ut chirixeb', neke'ilok jo'eb' li t'iw.

Ezequiel 10:21

Li junjunq wank kaapak'al li ruheb' ut kaaka xxik'eb', ut wank jun ruq' poyanam rub'el xxik' li junjunq.

Apocalipsis 4:6

Chiru li nimajwal k'ojarib'aal wank kama' li palaw saqen saqenk ru, chanchan li krixtal. Ut sa' xyi li k'ojarib'aal jo'wi' chi xsutam wankeb' kaahib' li yo'yookeb', nujenaqeb' chi xsa' uhej, jo' chiruheb' jo' ajwi' chirixeb'.

Daniel 7:4

Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.

Ezequiel 1:8

Sa' xkaapak'alil, rub'el li xxik'eb', li junjunq wank li ruq'eb', chanchan ruq'eb' li poyanam. Wankeb' ru ut xxik'eb' sa' xkaapak'alil li junjunq.

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Abdías 1:4

Ab'anan, us ta jwal najt tattaqe'q jo' li t'iw ut taayiib' ta laasuk sa' xyanqeb' li chahim, toj aran tatinkub'si chaq”, chan li Qaawa'. Li Qaawa' kixye chi jo'ka'in:

Proverbios 28:2

Naq nanumtaak li q'etok chaq'rab' sa' li tenamit, neke'numtaak ajwi' laj jolominel; ab'an, wi li awab'ej wank xna'leb', li tenamit nak'ojlaak xch'ool ut kaw rib'.

2 Samuel 1:23

Chiru chixjunil li xyu'ameb' xe'xra rib' laj Saúl ut laj Jonatán. Chi moko li kamk xjachok reheb'. Q'axal seeb'eb' chiruheb' li t'iw ut q'axal kaweb' rib' chiruheb' li kaqkoj!

Génesis 49:9

Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Números 24:9

Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Números 23:24

Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

Apocalipsis 6:3

Naq kixte li xkab' tz'apleb', kiwab'i li xkab' yo'yo, yo chi xyeeb'al: “Kim”.

Apocalipsis 6:5

Naq kixte li rox tz'apleb', kiwab'i li rox yo'yo, yo chi xyeeb'al: “Kim”. Kiwil, ut aran wank jun li q'eqi kawaay, ut li k'ojk'o chi xb'een wan chaq jun li b'isleb' sa' ruq'.

Apocalipsis 6:7

Naq kixte li xka tz'apleb', kiwab'i li xyaab' xkux li xka yo'yo, yo chi xyeeb'al: “Kim”.