Apocalipsis 4:11 - Q'eqchi Bible

¹¹ “Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Li Santil hu

¹¹ Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Apocalipsis 4:11 ပူးပေါင်းရင်းမြစ်များ

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Isaías 40:28

Ma ink'a' nakanaw laa'at? Ma ink'a' aawab'ihom resil? Li Qaawa' a'an li Yos wank chi junelik; A'an kixaqab'ank re li xnub'ajlil li ruuchich'och'. Ink'a' nalub'k chi moko natawaak, ut maajun natz'ilok rix li xseeb'al xk'a'uxl.

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Apocalipsis 14:7

Ut a'an kixye chi kaw xyaab' xkux: “Chexiwa ru li Yos ut chek'e xloq'al xb'aan naq xtaw xq'ehil naq taaraqoq aatin; cheloq'oni li kib'aanunk re li choxach'och', li palaw ut eb' li yo'leb'aal ha'”.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Hebreos 1:10

Ut naxye ajwi': “At Qaawa', sa' xtiklajik kak'ojob' chaq rub'elankil li ruuchich'och', ut eb' li choxa a'aneb' xb'aanuhomeb' laawuq'.

Génesis 1:1

Sa' xtiklajik chaq li Yos kixyoob'tesi li choxach'och'.

Romanos 11:36

Xb'aan naq chixjunil nachalk rik'in li Yos ut nawank sa' xk'ab'a' A'an ut cho'q re A'an. Rehaq taxaq li loq'al chi junelik q'e kutan! Jo'kan taxaq.

Efesios 3:9

ut xch'olob'ankil chanru naq yo chi tz'aqlok ru li tz'aptz'ookil na'leb' muqmu chalen chaq q'e kutan rik'in li Yos, laj yoob'tesihom re chixjunil.

Hechos 14:15

—Ex qamiiw, k'a'ut naq nekeb'aanu a'in? Laa'o yal winqo ajwi', juntaq'eeto eerik'in laa'ex. Wanko arin chi xyeeb'al eere li chaab'il esilal a'in: naq chekanab'aq a k'a'aq re ru a'in li maak'a' xyaalal ut cheq'axtesi eerib' re li yo'yookil Yos li kib'aanunk re li choxach'och', li palaw ut chixjunil li wankeb' chisa'.

Jeremías 32:17

«At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Salmos 18:3

Laa'at laj muheelahom ut laj kupuhom we, laa'at laj ach'ab'anel we ut linYos. Laa'at li saqoonak li ninkol wi' wib', jo'kat li koleb' ch'iich' nakolok we; laa'at laj k'aak'alehom ut laj tenq'ahom we.

Nehemías 9:5

Laj Josué, laj Kadmiel, laj Baní, laj Jasabnías, laj Serebías, laj Hodías, laj Sebanías ut laj Petajías aj Levíheb' ke'xye: “Xaqlinqex ut chenimaaq ru li Qaawa' leeYos junq'e junq'e kutan. Usilaatinanb'il taxaq li xloq'laj k'ab'a', li q'axal nim xloq'al ut xwankilal chiru chixjunil li naru xyeeb'al”.

Hechos 17:24

“Li Yos li kiyiib'ank re li ruuchich'och' ut chixjunil li wank chisa', a'an ajwi' laj eechal re li choxach'och'. Ut a'an ink'a' nahilank sa' ochoch yiib'anb'il rik'in uq'ej,

2 Samuel 22:4

Ninyaab'a xk'ab'a' li Qaawa' xb'aan naq xk'ulub' nimaak ru, ut kolb'ilin chik chiruheb' li xik' neke'ilok we.

Apocalipsis 5:2

Ut kiwil jun li ánjel kaw rib', yo chi xpuktesinkil chi kaw xyaab' xkux: “Ani xk'ulub' risinkileb' li tz'apleb' ut xteeb'al li hu?”, chan.

Li xHu LAJ JOB 36:3

Chixjunil linna'leb' nachalk rik'in li Yos, ut laa'in ninnaw naq laj Yoob'tesihom we yaal ru li naxb'aanu.

Salmos 68:34

A'an nak'amok b'e sa' choql, sa' li najteril choxa. Ab'ihomaq chanru naxjap chaq re chi kaw xyaab' xkux.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Isaías 40:26

Taqsihomaq leerilob'aal sa' choxa ut ilomaq: ani xk'uub'ank re chixjunil a'an? A' li najek'ink reheb' li chahim chi tzol sa' xna'aj ut naxb'oqeb' li junjunq rik'in xk'ab'a'. Q'axal nim xwankil ut k'ajo' li xkawilal, ut maajun reheb' naxmuq rib' chiru.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Éxodo 20:11

Xb'aan naq chiru waqib' kutan li Qaawa' kixb'aanu li choxach'och', li palaw ut chixjunil li wank chisa', ut sa' li xwuq li kutan kihilank. Jo'kan naq li Qaawa' kirosob'tesi li kutan sábado ut kixsantob'resi.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Apocalipsis 19:1

Chirix chik a'an kiwab'i sa' choxa jo' xyaab' xkux xiikileb' li poyanam, yookeb' chi xyeeb'al chi kaw: “Aleluya! Li kolb'a ib', li loq'al ut li wankilal ka'ajwi' rik'in li qaYos nachalk,