Apocalipsis 3:4 - Q'eqchi Bible

⁴ Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'.

Li Santil hu

⁴ La̱in ninnau nak aran Sardis toj cuanqueb cuib oxib saꞌ e̱ya̱nk li ti̱c xchꞌo̱leb. Incꞌaꞌ xeꞌxtzꞌajni ribeb riqꞌuin xba̱nunquil li ma̱usilal. La̱in tinye reheb nak xcꞌulubeb cua̱nc cuiqꞌuin chi tikto̱queb riqꞌuin saki akꞌej xban nak ti̱c xchꞌo̱leb.

Apocalipsis 3:4 ပူးပေါင်းရင်းမြစ်များ

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Apocalipsis 6:11

Toja' naq kik'ehe'k jun li saqi aq' re li junjunq ut kiyeemank reheb' naq che'oyb'eninq wan chik kach'inaq toj taatz'aqloq li xk'ihaleb' li rech aj k'anjelil jo'wi' li xk'ihaleb' li riitz'in li tento te'kamsiiq jo'eb' a'an.

Eclesiastés 9:8

Tiqib' aawib' chi chaab'il chi junelik ut b'on aawib' chi us wulaj wulaj.

Apocalipsis 19:14

Ut eb' li k'iila teep chi choxahil aj puub' tiqtookeb' rik'in chaab'il liino saqsaq ru, yookeb' chi xtaaqenkil ut k'ojk'ookeb' chaq chirix saqi kawaay.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Apocalipsis 19:8

ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

San Judas 1:23

Chekoleb' li junch'ol rik'in risinkileb' sa' li xam, ut li junch'oleb' chik cheruxtaana ruheb'; ab'an chek'ehaq reetal: xik' cherilaq li raq'eb' tz'ajninb'il xb'aaneb', meeb'on eerib' rik'in li xb'aanuhomeb'.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

San Marcos 16:5

Ke'ok sa' li muqleb'aal ut ke'ril jun li saaj al k'ojk'o aran sa' xnim uq'eb', tiqto rik'in saqi jut-aq'; ut ke'xiwak.

San Lucas 20:35

A'ut eb' li xk'ulub'aqeb' tz'aqonk sa' li ruuchich'och' jun chik ut sa' li xwaklijikeb' chi yo'yo li kamenaq ink'a' chik te'sumlaaq.

San Mateo 10:11

“Sa' li tenamit malaj k'aleb'aal toxex'okaq wi', patz'omaq aran ani xk'ulub' ula'aniik ut chexkanaaq aran toj reetal tex'elq chaq.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

2 Ts 1:5

A'in reetalil li raqb'a aatin naxb'aanu li Yos sa' tiikilal; reetalil ajwi' naq eek'ulub' ok sa' li xnimajwal awab'ejihom li Yos: sa' xk'ab'a' ajwi' a'an yookex chi xk'ulb'al li rahilal.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Salmos 68:14

Naq toj yookex chi hilank sa' xna'ajeb' laj ilol ketomq, xe'ok chi lemtz'unk eb' li xxik' li mukuy kama' li plaat; chanchan chik oor xkanaak li rismaleb'.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Hechos 1:15

Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb':

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 59:6

Li xkemomeb' moko us ta re li aq'ej; maa'ani naru xb'atb'al rib' rik'in li xk'uub'ahomeb'. Li xb'aanuhomeb' a'an junes raaxiik', ut li ruq'eb' junes rahob'tesink neke'xb'aanu.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

1 Reyes 19:18

Ab'anan wuqub' mil chi aj Israel tinkanab'eb' chi yo'yo, jo'k'ihaleb' li ink'a' xe'wiq'laak chiru laj Bahal chi moko xe'xpatz' xk'ab'a' rik'in rutz'b'al ru”.

Apocalipsis 1:11

“Tz'iib'a sa' hu li yookat chi rilb'al, ut taqla rik'ineb' li wuqub' chi Iklees: aran Éfeso, Esmirna, Pérgamo, Tiatira, Sardes, Filadelfia ut Laodicea”.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Levítico 13:48

chiru li noq' malaj chiru li ak kemb'il, malaj chiru k'a'aq chik re ru yiib'anb'il rik'in tz'uum,