Apocalipsis 3:20 - Q'eqchi Bible

²⁰ «K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

Li Santil hu

²⁰ Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

Apocalipsis 3:20 ပူးပေါင်းရင်းမြစ်များ

Apocalipsis 19:9

Chirix chik a'an li ánjel kixye we: “Tz'iib'a: «Us xaq reheb' li b'oqb'ileb' chi wa'ak sa' xninq'ehinkil xsumlajik li Karneer»”. Kixye ajwi' we: “Chixjunil a'in a'an raatin li Yos ut tz'aqal yaal”.

San Mateo 24:33

Jo'kan ajwi' laa'ex, naq teeril chixjunil a'in, chenawaq naq ak nach' wan chaq li K'ajolb'ej; ak wank chire li kab'l.

San Lucas 17:8

Ma ink'a' tab'i' tixye re: «Chak'uub' b'ayaq intzekemq, chajal aawaq' ut k'anjelan chiwu naq yooqin chi wa'ak ut chi uk'ak; toj moqon chik tatwa'aq ut tat-uk'aq laa'at»?

San Juan 10:3

Laj ilol okeb'aal natehok chiru ut eb' li karneer neke'rab'i li xyaab' xkux; ut a'an naxb'oqeb' li xkarneer rik'in li xk'ab'a'eb' ut narisiheb' chi b'eek.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.