Apocalipsis 3:18 - Q'eqchi Bible

¹⁸ Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Li Santil hu

¹⁸ Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

Apocalipsis 3:18 ပူးပေါင်းရင်းမြစ်များ

Apocalipsis 16:15

“K'ehomaq reetal, laa'in tinchalq jo' junaq aj elq'. Us xaq re li yooq chi yo'lek ut tixk'uula li raq', re naq ink'a' taab'eeq chi t'ust'u ut ink'a' taa'ile'q li xxutaan”.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

Apocalipsis 19:8

ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Malaquías 3:3

Taak'ojlaaq chi puuxink ut chi ch'ajob'resink. Tixch'ajob'resiheb' li ralal xk'ajol laj Leví ut tixpuuxiheb' jo' na'uxk re li oor ut li plaat; ut tz'aqal a'anaqeb' chik li te'mayejaq chiru li Qaawa' sa' tiikilal.

Apocalipsis 7:13

Toja' naq jun reheb' li cheekel winq ki'ok chi aatinak ut kixye we: “Eb' li tiqtookeb' rik'in saqi aq', aniheb' ut b'ar xlaje'chalk chaq?”

San Mateo 13:44

“Li xnimajwal wankilal li choxa chanchan jun nimla b'ihomal muqmu sa' ch'och' li kitawe'k xb'aan jun li winq. A'an kixmuq wi' chik ut, xb'aan xsahil li xch'ool, koho, koxk'ayi chaq chixjunil li k'aru wank re ut kixloq' li ch'och' a'an.

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

Salmos 32:8

“Tatintzol, tink'ut chawu li b'e li tento taak'am, chan li Qaawa'; junelik yooqin chawilb'al naq tatinb'eres.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Miqueas 1:11

Eb' laj Safir yookeb' chi k'ame'k sa' ab'l tenamit, chi t'ust'u ut chi k'ajo'eb' xxutaan. Eb' laj Sahanán ink'a' neke'elk sa' li xtenamiteb'. Wankeb' sa rahil ch'oolejil eb' laj Bet-Hesel ut laa'ex xexkanaak chi maajun chik natenq'ank eere.

Salmos 73:24

xinaab'eres rik'in xnimal laak'a'uxl, ut sa' roso'jik tinaak'ul aawik'in sa' laaloq'al.

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Proverbios 23:23

Sik' li yaal, ut maak'ayi; tamresi li chaab'il na'leb', li tzolok ut li seeb'al k'a'uxl.

2 Corintios 5:3

wi relik chi yaal tiqtooqo ut ink'a' tolootawe'q chi t'ust'u.

San Lucas 12:21

“Jo'ka'in tixk'ul li ani naxk'uula xb'ihomal cho'q re xjunes rib' ut ink'a' nab'ihomo'k cho'q re li Yos”.

Nahum 3:5

Xyehom li Nimajwal Yos: “Xinchalk chak'eeb'al sa' xutaan: twisi laawaq' chawix ut tatinkanab' chi t'ust'u; tink'ut laaxutaan chiruheb' li xninqal ru tenamit.

San Mateo 25:9

Ab'anan eb' li wankeb' xna'leb' ke'xye: «Ink'a', mare anchal ink'a' taatz'aqloq iqe; ma' ta chik eere laa'ex tqataw. Jwal us texxik rik'ineb' laj k'ay ut toxeeloq' chaq eere».

Jeremías 13:26

Laa'in ajwi' tatinkanab' chi yak'yo re naq taak'utunq laaxutaan.

Eclesiastés 8:2

Paab' li xchaq'rab' li awab'ej, xb'aan naq jo'kan xaye sa' jurament chiru li Yos.

Proverbios 19:20

Chak'e sa' aach'ool laatijb'al ut chapaab' laaq'usb'al; chi jo'kan toxaataw li chaab'il na'leb'.

Proverbios 1:30

Ink'a' xeraj rab'inkil li waatin chi moko xepaab' linq'usum.

Proverbios 1:25

Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Salmos 107:11

xb'aan naq ke'xq'et raatin li Qaawa' ut ke'xtz'eqtaana li xk'uub'ahom li Nimajwal Yos.

Salmos 16:7

Ninnima ru li Qaawa' li naxk'e inna'leb'; nikinxq'us sa' li waanm us ta ak x'ok q'oqyink.

1 Timoteo 6:18

Chatz'aama naq usilal che'xb'aanu, jo' ajwi' naq che'b'ihomo'q rik'in li chaab'il b'aanuhom ut che'wotzoq chi anchaleb' xch'ool.

Apocalipsis 4:4

Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'.