Apocalipsis 3:17 - Q'eqchi Bible

¹⁷ B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

Li Santil hu

¹⁷ La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Apocalipsis 3:17 ပူးပေါင်းရင်းမြစ်များ

Proverbios 13:7

Wankeb' neke'yehok naq b'ihomeb', ut maak'a' nayo'laak reheb'; ut wankeb' chik neke'yehok naq neb'a'eb', ut maak'a' namajelo'k reheb'.

Oseas 12:8

Ut eb' laj Efraín neke'xye: «Yaal naq xoob'ihomo'k, naab'al li b'ihomal xqatamresi. Ab'anan maajun taayehoq qe naq xqataw qab'ihomal rik'in b'alaq'ik!».

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Romanos 7:24

K'ajo' xtoq'ob'aal wu! Ani taakoloq we chiru li tz'ejwalej a'in li nak'amok we chi kamk?

San Lucas 1:53

Kixnujob'resiheb' li te'tz'okaaq rik'in chaab'il eechej, ut eb' li b'ihom kixtaqlaheb' chi maak'a' chik wank reheb'.

San Mateo 9:12

Li Jesus kirab'i a'an ut kixye: —Ink'a' neke'raj aj b'anonel li kaweb', a'eb' b'an li yaj neke'ajok re.

Apocalipsis 16:15

“K'ehomaq reetal, laa'in tinchalq jo' junaq aj elq'. Us xaq re li yooq chi yo'lek ut tixk'uula li raq', re naq ink'a' taab'eeq chi t'ust'u ut ink'a' taa'ile'q li xxutaan”.

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

Génesis 3:7

Toja' naq ke'tehonk xsa' li ruheb' chi xkab'ichaleb' ut ke'xk'e reetal naq t'ust'uukeb': jo'kan naq ke'xb'oj xxaq li xche'el li iig ut ke'xtz'ap rib' chiru.

2 Pedro 1:9

Ani maak'a' li maatan a'in sa' xch'ool, a'an mutz' ut ink'a' saqenk na'ilok, ak xtz'eqom chirix xch'ool naq ke'ch'ajob'resiik eb' li xnajteril maak.

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

San Lucas 6:24

“Ab'an ra chaalel sa' eeb'een laa'ex b'ihomex, xb'aan naq ak xek'ul xk'ojob'ankil eech'ool.

Zacarías 11:5

Eb' li neke'loq'ok reheb' neke'xkamsiheb' ut neke'xk'oxla naq maak'a'eb' xmaak; ut eb' li neke'k'ayink reheb' neke'xye: «B'anyox re li Qaawa', xinb'ihomo'k!», chankeb'. Chi moko eb' laj ilol reheb' neke'ril xtoq'ob'aal ruheb' li karneer.

Éxodo 32:35

Ut li Qaawa' kixrahob'tesiheb' li tenamit xmaak li ch'ina wakax yiib'anb'il chaq xb'aan laj Aharón.

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

Romanos 11:20

Yaal ajwi', ab'anan xmaak'a'il xpaab'aaleb' ke'q'ete'k wi'; a'ut laa'at kaw xaqxookat xb'aan laapaab'aal. Matq'etq'eto'k b'i', chiwanq b'an aaxiw.

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Isaías 42:19

Ani tawi' li mutz'? Ma ink'a' tawi' a' laj k'anjel chiwu? Maajun li q'axal tz'apxik jo' li xintaqla chi yehok esil, maajun li q'axal mutz' ut jwal tz'apxik jo' lintaql, jo' laj k'anjel chiwu laa'in li Qaawa'.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Apocalipsis 3:16

Ab'an, rik'in naq luluhat, ut ink'a' tiqat chi moko kehat, ok we chaxa'wankil.