Apocalipsis 3:15 - Q'eqchi Bible

¹⁵ Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq!

Li Santil hu

¹⁵ La̱in ninnau chanru nak cuanquex. La̱ex incꞌaꞌ yo̱quex chinpa̱banquil chi anchal e̱chꞌo̱l, chi moco yo̱quex chintzꞌekta̱nanquil. Us raj nak tine̱pa̱b chi anchal e̱chꞌo̱l malaj ut tine̱tzꞌekta̱na raj chi junaj cua. Abanan la̱ex chanchanex li haꞌ moco tik ta, chi moco que. Yal lulu ban.

Apocalipsis 3:15 ပူးပေါင်းရင်းမြစ်များ

Romanos 12:11

Cheyalaq eeq'e chi k'anjelak chi maak'a' hilank, anchalaq b'an leemusiq' naq yooqex chi paab'ank; chexk'anjelaq chiru li Qaawa'.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Santiago 1:8

xb'aan naq nawiib'ank xch'ool ut moko ch'olch'o ta ru li xyu'am.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

Apocalipsis 2:4

Ab'anan ch'a'aj naweek'a chawix naq ink'a' chik nakatrahok jo' junxil.

San Mateo 24:12

Taanumtaaq li maa'usilal, jo'kan naq taakeho'q li rahok sa' xch'ool li xk'ihaleb' li tenamit.

Proverbios 23:26

At walal ink'ajol, k'e aach'ool chi wab'inkil, ut il chi us li b'e nink'ut chawu.

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Filipenses 1:9

Ut a'an a'in li nintz'aama sa' lintij: naq leerahom chik'iiq chi junelik rik'in xtawb'al eena'leb' jo'wi' xtawb'al xyaalal chixjunil,

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Oseas 7:8

“Eb' laj Efraín xe'xjunaji rib' rik'ineb' laj ab'l tenamit, chanchaneb' li wa junpak'al ajwi' xchaq'ak.

Apocalipsis 3:16

Ab'an, rik'in naq luluhat, ut ink'a' tiqat chi moko kehat, ok we chaxa'wankil.