Apocalipsis 3:12 - Q'eqchi Bible

¹² Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Li Santil hu

¹² Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Apocalipsis 3:12 ပူးပေါင်းရင်းမြစ်များ

Apocalipsis 22:4

Te'ril li xnaq' ru, ut li xk'ab'a' wanq chi xpeekemeb'.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Apocalipsis 14:1

Kin'ilok wi' chik, ut wank aran li Karneer xaqxo sa' xb'een li tzuul Sión, rochb'eeneb' kaahib' xwaqxaqk'aal mil (144,000) chi poyanam, wank li xk'ab'a' li Karneer ut li xk'ab'a' li xYuwa'eb' tz'iib'anb'il chi xpeekemeb'.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Salmos 48:8

jo'keb' li jukub' re li tenamit Tarsis nalaje'sache'k xb'aan li iq' nachalk sa' releb'l saq'e.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

1 Reyes 7:21

Laj Jirán kixxaqab'eb' li oqech chire rokeb'aal li rochoch li Yos: jun kixxaqab' sa' li xnim ut Yakín kixk'e cho'q xk'ab'a'; ut li kikanaak sa' xtz'e, Bohás kixk'ab'a'in.

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Efesios 3:15

a'an li xyo'leb'aal chixjunil li komonil sa' choxa ut sa' ruuchich'och',

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Isaías 65:15

“Eb' li sik'b'il ru inb'aan te'roksi leek'ab'a' re majewank ut re xyeeb'al reheb' li jalan chik: «Chi jo'ka'in tatxk'e chi kamk li Qaawa' Yos!», cha'qeb'. Ab'an eb' laj k'anjel chiwu tink'e reheb' jun ak' k'ab'a'ej.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Salmos 87:3

Chaab'il aawesil nayeemank yalaq b'ar, at xtenamit li Yos:

Salmos 46:4

Us ta ch'oxb'aqeb' xyaab' li ha' naq te'pujk'uq chaq, us ta talaje'eek'anq li tzuul xb'aan xkawil oq li palaw, ab'an li Qaawa', li Nimajwal Yos, wank qik'in, li xYos laj Jakob a'an laj kolol qe.

Isaías 62:2

Toja' naq chixjunileb' li tenamit te'ril li xtiikilal laach'ool ut chixjunileb' li awab'ej te'xka'ya laaloq'al. Ak' k'ab'a'ej tate'xk'ab'a'in wi', a' li taak'ehe'q aawe xb'aan li Qaawa'.

Ezequiel 40:49

Li na'ajej a'an, waqib' moqoj li roq ut kach'in chik maa kaahib' moqoj li xsa'. Lajeeb' xk'ojar li taqarib'aal na'uxk wi' taqe'k aran. Ut wank xkuut chi xk'atq li junjunq chi oqech, chi xka'pak'alil.

Hebreos 13:14

xb'aan naq arin maak'a' qatenamit re chi junajwa, yooko b'an xsik'b'al li toj chaalel.

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

San Marcos 12:16

Ke'xk'am chaq li tumin ut li Jesus kixpatz' reheb': —Ani aj jalam u a'in ut ani aj tz'iib'ahom wank chiru? Ke'xye re: —Re li awab'ej.